اسلام آباد۔ 10 فروری (اے پی پی) صدر مملکت ڈاکٹر عارف علوی چندی واقعہ غاتیٹی شہید مروک آ 18 سیکورٹی کارندہ غاتا خاہوت آتے ٹیل فون کرسا شہید آتا عظیم قربانی تیا اوفتے شاندار لوز آتیٹی خراج عقیدت پیش کرے۔ پنچ شنبے نادے آ ایوان صدر نا پریس ونگ آن جاری بیان نا رداٹ صدر مملکت حسب روایت شہید آتا خاہوت آتون ٹیل فون آ رابطہ کرے و شہید آتے خراج عقیدت پیش کرے، اوشہید آتا درجہ غاتا بڑزی و وارث آتیکن صبر و جمیل نا دعا کرے۔ صدر مملکت پارے کہ مچ آ قوم وطن نا خاطر جان تا نذرانہ پیش کروک آ تا احسان مند ءِ ، پاکستانی قوم تینا شہید آتا عظیم قربانی تیا گمرکیک۔ صدر ڈاکٹر عارف علوی 2 فروری آ نوشکے ٹی دہشت گرد جلہو اٹی شہید مروک آتا وارث آتون ہیت کرے۔ صدر کیپٹن محمد بلال خالد، لانس نائیک عنایت اللہ و سپاہی وحید علی نا وارث آتون ہڑزخواہی کرے۔ او5 فروری آ دہشت گردآتا جلہو اٹی شہید مروک آتا خاہوت نا بندغ آتون ہم رابطہ کرے۔ صدر مملکت سپاہی ساجد علی، سپاہی ناہید اقبال و سپاہی محمد ضیاء اللہ خان نا وارث آتون گپ وتران کرے، سپاہی محمد سمیر و سپاہی عجب نور نا خاہوت نا بندغ آتون ہم صدر مملکت است ہسونی نا درشانی ءِ کرے۔ صدر مملکت 25 جنوری آ ضلع کیچ اٹی شہید مروک آ 10 ورناتا خاہوت آتون ہم ہیت کرے۔ صدر نائیک وقاص احمد، سپاہی ظفراقبال، سپاہی نوید غفور نا خاہوت نا بندغ آتون است ہسونی نا درشانی ءِ کرے۔ ڈاکٹر عارف علوی سپاہی عدنان مصطفیٰ، زین علی، محمد شہزاد حسین، فرحان احسن طارق نا خاہوت تون ہم رابطہ کرے۔ صدر مملکت سپاہی محبوب علی ، ارسلان منظور و محمد یاسر ءِ ہم خراج عقیدت پیش کرے۔
