اسلام آباد۔ 10 فروری (اے پی پی) چین حوالکاری و مواصلاتی ٹیکنالوجی ءِ مون آ دننگ کن ملک انا کوشست آتا نیام اٹ 2021نا ایسر اسکان درو 1.43 ملین G5بیس اسٹیشن اس جوڑ کرینے۔ چین نا وزارت صنعت و انفارمیشن ٹیکنالوجی پارینے کہ دا کچ جہانی کل انا 60 درسد آن زیات ءِ، ہراٹی G5 101.1بیس اسٹیشن چین اٹی ہر 10,000بندغ آتے خذمت فراوان کننگ ءِ، ہرا 2020نا ایسر آن کم و ود دوگنا مسنے۔ وزارت نا رداٹ تدوک آ سال ، G5ٹیکنالوجی ٹی چین نا زرکاری 184.9بلین یوآن (کم و ود 29بلین امریکی ڈالر) اسکان سرمس، ہراکہ ٹیلی کمیونیکیشن انڈسٹری نا فکسڈ اثاثہ نا زرکاری ٹی 45.6 درسد نا حصہ دار ءِ وخت اس کہ اسہ سال مست انا مقابلہ ٹی 8.9 درسد زیات ءُ۔ چین 2022اٹی G5خذمت و گیگابٹ فائبر آپٹک نیٹ ورک آتا جوڑ کننگ نا کنڈآ سوگو و منظم پیش رفت کیک۔ چین ءِ اومیت ءِ کہ 2023 اسکان G5صارف آتا کچ 560ملین گدرینگک، و چین اٹی ہر 10,000بندغ 18آن زیات G5بیس اسٹیشن تیان لطف اندوز مریک۔
