اسلام آباد۔ 10 فروری (اے پی پی) وزیرخارجہ مخدوم شاہ محمود قریشی پارینے کہ مصر ڈیہہ نا اہم ءُ ملک و اونا سوگوی و شونداری ڈیہہ ٹی امن و شونہالی کن المی ءِ۔ داہیت ءِ او پاکستان اٹ تعینات مصری سفیر طارق وہروگ تون گپ وتران کرسا پارے ہراپنچ شنبے نادے آ وزارت خارجہ ٹی اوڑتون اوڑدہی کرے۔ شاہ محمود قریشی پارے کہ داخوشی نا ہیت اسے کہ مصر صدر عبدالفتاح السیسی نا قابل کماشی ٹی سیاسی سوگو ی و سلامتی نا کنڈآہِننگ ءِ، ہڑتوم آ ملک آتا الس اسیجائی عقیدہ و اسہ وڑ دودوربیدگی تعلقداری نا بندھن اٹ تفوک ءُ۔ وزیرخارجہ پارے کہ ہڑتوم آ ایلم ملک آتا نیام اٹ علاقائی و جہانی امور آ نقطہ نظراٹ یکسانیت ستاکڑزک، کنا تدوک آ سال دورہ مصر اٹی صدر السیسی و وزیرخارجہ سامع شکری تون بھاز فائدہ ئی اوڑدہی اس مس۔ اوپارے کہ پاکستان مصری وزیرخارجہ سامع حسن شکری نا دورہ پاکستان و اسلام آباد اٹی چارمیکو اسیجائی وزارتی کمیشن (جے ایم سی) نا زوت اڈتننگ نا چاری ءِ۔ مصری سفیر وزیرخارجہ نا منت واری ءِ ہرفسا پاکستان و مصر انا نیام اٹ ہڑتوم آ کنڈآتا تعلقداری نا مون آ دننگ کن تینا ہرممکن کمکاری نا باورکرفے۔
