فیصل آباد۔ 10 فروری (اے پی پی) فیصل آباد الیکٹرک سپلائی کمپنی نا چیف ایگزیکٹو انجینئر بشیر احمد پارے کہ وزیراعظم عمران خان نا وژن نا رداٹ و فیسکو بورڈ انا پارت آتے مون آ تخسا فیسکو ریجن اٹ سی پیک ڈٹ آتیٹی بجلی نا دمدستی فراوانی ءِ پک کننگ انگ ءِ و ویلیو ایڈیشن سٹی، ایم تھری انڈسٹریل سٹی، علامہ اقبال انڈسٹریل سٹی و بھلوال انڈسٹریل اسٹیٹ نا سی پیک ڈٹ آتے کوالٹی سروس نا فراوانی کن ہلہلہ ئی بنداو تیا کاریم برجاءِ۔ ’’اے پی پی‘‘ تون گپ وتران اٹی اوپارے کہ ساڑی ٹی فیڈمک اٹی 132 کے وی کچ تخوک 2 پوسکن تفنگوک آ گریڈ اسٹیشن تے انرجائز و ہندا گریڈ آتیا 70 میگاواٹ لوڈ دوئی کننگانے۔ اوپارے کہ علامہ اقبال انڈسٹریل سٹی ٹی اسہ پوسکن ءُ گریڈ اس تفنگ انگ ءِ وخت اس کہ فیسکو 220 کے وی بنڈالہ غان فیڈمک اسکان پوسکن آ 132 کے وی ٹرانسمیشن لین نا تینڈر کننگانے ہرا اسہ سال اٹی ایسری اسکان سرمریک۔ اوپارے کہ فیڈمک اٹی شارٹ ٹرم اٹی 116 میگاواٹ و میڈیم ٹرم اٹی 170 میگاواٹ لوڈ منظور کننگاسس و 116 میگاواٹ لوڈ صارف آتے منظور کننگانے۔ چیف ایگزیکٹیو پارے کہ داسال جون اسکان 220 کے وی لالیاں گریڈ اسٹیشن نا کمیشننگ مریک ہراڑآن فیسکو نا لبرٹی آن نشاط آباد و لبرٹی آن چنیوٹ روڈ ٹرانسمیشن لائن تے ریلیف ملک و فیسکو الحمداللہ پین 300 میگاواٹ لوڈ گٹی، نشاط آباد لائن آن فیڈمک ءِ تننگ نا پوزیشن اٹی بریک ہراڑآن فیڈمک نا صنعت آتے بے سلنگ و کوالٹی بجلی نا فراوانی آن دوئی مریک۔ اوپارے کہ داوخت آ فیسکو فیڈمک ءِ پین 170 میگاواٹ لوڈ صارف آتیکن منظور کننگ کن تیار ءِ ہنداخاطرآن ہرکس کہ پوسکن آ صارف فیڈمک اٹ انڈسٹری خلیک فیسکو فی الفور اونا لوڈ ءِ منظور کرسا کنکشن اس چلیفک۔ اوپارے کہ صنعتی صارف فیسکو نا اولیت ءِ انتئے کہ صنعت آک زرگزران نا پہیہ ءِ چلیفنگ اٹ اہم ءُ کڑد اس ادا کیرہ و مخلوق ءِ روزگار نا فراوانی نا سوب ءُ وخت اس کہ فیسکو تینا و صارف دوست گچین پالیسی تا سوب آن کشاری، صنعتی و واپاری صارف آتے ہم گچین آسراتی سرکننگ ءِ۔
