اسلام آباد۔ 10 فروری (اے پی پی) پبلک اکاؤنٹس کمیٹی نا دیوان پنچ شنبے نادے آ پارلیمنٹ ہاؤس اٹی پی اے سی نا چیئرمین رانا تنویر حسین نا کماشی ٹی مس۔ دیوان اٹی کمیٹی نا باسک سینیٹر مشاہد حسین سید، سینیٹر طلحہ محمود، شاہدہ اخترعلی، منزہ حسن، حناربانی کھر، ریاض فتیانہ، سید نوید قمر، سید حسین طارق، خواجہ محمد آصف ، شیخ روحیل اصغر تون اوار تعلقدار سرکاری ادارہ غاتا آفیسر آک بشخ ہلکر۔ دیوان اٹی ایف بی آر نا 2019-20نا آڈٹ اعتراض آتا جاچ ءِ ہلنگا۔ دیوان نا بناٹی پی اے سی نا باسک حناربانی کھر نا باوہ نا روح انا ثواب کن دعا پاتیا کننگا۔ رانا تنویر حسین پارے کہ چیئرمین ایف بی آر حوال تسنے کہ وزیراعظم اسہ دیوان اس بٹنگانے او دا دیوان آن فارغ مننگ آ پی اے سی آ بریک۔ رانا تنویر حسین پارے کہ آفیسر آک پی اے سی ءِ بایدے اولیت ایتر۔ اوپارت کرے کہ اینو بناکینہ آخبت پرنسپل اکاؤنٹنگ آفیسر آن بیدس دیوان مفک۔ باسک آتا خواست آ چیئرمین پی اےسی دیوان ءِ پدبٹسا بروک آ پنچ شنبے آ ایف بی آر نا کمامدار آتے دُوارہ بٹنگا۔ چیئرمین پی اے سی سیکرٹریٹ ءِ پارت کرے کہ اسہ دیوان ذیلی کمیٹی تا کنوینرز آتون ہم تخے ہراٹی اوفتا کارکڑد نا جاچءِ ہلنگک۔ ہرانا کارکڑد سہی متو اوڑآن کنوینر شپ ءِ پدی ہلنگک۔ اوکان پد چیئرمین پی اے سی میڈیا نا نمائندہ غاتون گپ وتران کرسا پارے کہ ننے 28 ہزار آڈٹ اعتراض ملاسس ہرافتیان داتم اسکان پنچ ہزار اعتراض آتے سرتننگانے۔ نن خوانہ کہ کرنٹ آڈٹ اعتراض آتسکان برین زیات آن زیات پدسلوک آڈٹ اعتراض آتے سرتننگ خوانہ۔ دا بابت ذیلی کمیٹیک کاریم کننگ ءُ۔ ایف بی آر نا مسکوہی چیئرمین شبرزیدی بارے 16 ارب روپئی نا قاعدہ غان اسہ کنڈ ریفنڈ تننگ نا بابت غاونا جاست و پاست آن پد اصل حالیت مون آ بریک۔
