اسلام آباد۔9فروری (اے پی پی): مزن وزیر ءِ حاسیں نمائندگ علامہ محمد طاہر محمود اشرفی ءَ گشتگ کہ سرجمیں امت مسلمہ ءِ زمہ واری اِنت کہ آ بھارت ءَ مسلمان آناں مذہبی آجوہی ءِ حق ءِ ھاترءَ یکجاہ توار چست بہ کن اِت ء ُ ما اُمیت کناں کہ اسلامی کمک تنظیم ( او آئی سی ) اے جاورھال ءِ سرءَ ہم وتی کردءَ پیلو کنت۔ بھارتءَ مئے جنک ءَ سرجمیں امت مسلمہ ءِ جارچینی کتگ، سرجمیں پاکستان ءَ 11 فروری جمعہ المبارک ءَ سرجمیں پڑآں چہ سیادی داروکیں مردم ، عالم ءُ زانت کار ہندوستان ءِ ناشرکاری ء ُ رستری ءَ را ایرجناں۔ بھارت ءَ اسلام ءِ رھبندانی حفاظت کنگءِ ھاترءَ جدوجہد کنوکیں ماتء ُ گہارانی سرجمی ءَ ہمراہ داری کتگء ُ پاکستان علماء کونسل ء ُ المجلس الاسلامی العالمی وتی کردءَ سرجمی ءَ پیلو کنت۔ اے ھیالانی درشانی علامہ محمد طاہر محمود اشرفی ءَ چارشمبے ءِ روچءَ اسلام آبادءَ پریس کانفرنس کنان ء َ کتگ۔ آئی ءَ گشتگ کہ بھارت ءَ مزنیں کساسے مسلمانی آنی اِنت کہ آؤدہ مسیت شہید کنگ بوتگ اَنت ء ُ گوستگیں روچاں جمعہ ءِ مُچیءِ سرءَ بندش جنگ ءِ کوشست کنگ بوتگء ُ نوں پردہ کنگ ءِ سرءَ بندش جنگءِ ھاترءَ زلمء ُ ناحقی کنگ بوتگ۔ آئی ءَگشتگ کہ یک جنکے ءَ سرجمیں عالم اسلام ءِ جارچینی کتگء ُ اللہ اکبر ءِ توار بُرز کتگ کہ ایشی ءِ سرءَ سرجمیں امت مسلمہ ء ُ پاکستانی راج وتی جنک ءَ را داد ء ُ سلام پیش کنت۔ مولانا طاہر اشرفی ءَگشتگ کہ بھارتءَ مسلمان جنکانی گوما یکوئی ءِ درشانی کنگ ءِ ھاترءَ 11 فروری جمعہ المبارک ءَ یکوئی ءِ درشانی ءِ روچءِ ھساب ءَ گوازینگ بیت ءُ عالم اسلا م ءَ گوں اپیل کناں کہ بھارت ءَ مسلمان آناں مذہبی آجوہی ءِ حق ءِ ھاترءَ سرجمیں امت ِ مسلمہ ءِ زمہ واری اِنت، درست یکجاہ توار چست بہ کن اِت ء ُ ما اُمیت کناں کہ ہمے وڑ اسلامی کمک تنظیم (اوآئی سی)ءَ پیسرءَ چہ وتی توار چست کتگء ُ اے جیڑہ سرءَ ہم وتی کرد ء َ پیلو بہ کن اَنت۔ آئی ءَ گشتگ کہ جمعتہ المبارک ء َ سرجمیں ملک ءِ درائیں تک ء ُ پناتاں گوں ، عالم ءُ ایندگہ مردم جمعہ ءِ مُچی ءَ ہندوستان ءِ زلمء ُناشرکاری ءَ را ایر جناں ء ُ آیانی گوما بھارت ءَ کہ مئے ماتءُ گہار وتی پردہ، اسلامی رِپک ءَ را رکینگ ءِ کوشست کنگ ءَ اَنت ءُ آیانی ھاترءَ سرجمیں ملک ءُ عالم اسلام ءَ چہ ہمراہ داری ءِ لوٹ کنگ بیت ء ُ اے ہوالگءَ پاکستان علماء کونسل ء ُ المجلس الاسلامی العالمی وتی کردءَ سرجمیءَ پیلو کن اَنت ۔ آئی ءَ گشتگ کہ اے ہوالگءَ شیخ الظہر، امام کعبہ، مفتی اعظم سعودی عرب، مفتی اعظم اماراتءُ عالم اسلام ءَ ابید ایندگہ سروکاناں نمدی نبشتہ کنگ ءَ اَنت کہ تنکہ آ دیما وتی کردءَ پیلو بہ کن اَنت۔
