اسلام آباد۔9فروری (اے پی پی): کشمیرو گللگت پڑءِ بنجاہی وزیر علی امین خان گنڈا پورءَ گشتگ کہ افضل گرو ءُمقبول بٹ وڑیں شہیدآنی قربانی آنی سوب ءَ وت واجہی ءِ جدوجہد ء َ را سرجمی ءَ برجاہ داراں۔ افضل گرو ءُ محمد مقبول بٹ وڑیں شہیدآنی قربانی آنی سوبءَ وت واجہی ءِ جدوجہد ءَ را سرجمی ءَ برجاہ داراں۔ افضل گرو ء ُ محمد مقبول بٹ ءِ سال روچ ءِ موہ ءَشہیدآنی ہوالگءَ وتی کلوہ ءِ تہا گشتگ کہ کشمیری آنی جوش ء ُ جزبگ بھارتی فوج ءِ درائیں زلم ء ُ ناشرکاری ءَچہ طاقت ور تِر اَنت، افضل گرو ءِ آمیدگسی کوش بھارتی ریاستی ناشرکاری ءِ سبوت اِنت۔ علی امین گنڈاپورءَ گشتگ کہ کشمیری آنی سرءَ کشمیرءَ زُلم ء ُناحقی کنگ بوہگءَ اِنت ء ُ آیاناں جنگء ُ کوشگ بوہگءَ اِنت۔ بھارتءِ درائیں ریاستی ادارگ آر ایس ایس ءِ اہلکار جوڑ بوتگ اَنت، بھارت ءَ مسلمان آناں بنکی حقاں چہ محروم کنگ بوہگءَ اِنت، ہندو ناشرکار مسلما نانی نسل کشی ءَ کنگءِ ھاترءَ بھارت ءِ اُلسءَ را سکین دیئگ ءَ اَنت۔ آئی ءَ گشتگ کہ ناٹکا ءَ مسلمان نودربرآناں پردہ کنگءَ چہ دارگ بھارتی ناشرکاری ءِ انوگیں نوکیں درور اِت، دنیا بھارت ءَ انوگیں اقلیت آنی رکینگ ءِ ھاترءَ عملی گامگیج چست بہ کنت، سلامتی کونسل ءِ تپاک نامہ ء ُ کشمیری اُلس ءِ وائشتانی ردءَ کشمیرءِ جیڑہ ءِ گیشء ُ گیواری خطہ ءِتہا امنء ُ ایمنی ءِ ھاترءَ باز المی اِنت۔
