شہباز شریف ءُ مریم نواز  ملک ءَ چہ تچگ لوٹ ایت    ھمے واستہ ، دل یکیم نہ بوھگ ءِ  ڈرامہ  ءَ را   کنگ بوھگ ءَ انت،  راج ءِ دزتگیں  دولت   ءَ را   واپس کنگ ءَ  ابید ما آواناں ڈن ملک ءَ  روگ ءِ اجاز ت ءَ نہ دیاں، بنجاھی وزیر  اھوالکاری ءُ شنگ کاری چوہدری فواد حسین  ءِ میڈیا ءَ گوں تران

پشاور۔9فروری  (اے پی پی): بنجاھی وزیر اھوالکاری ءُ  شنگ کاری چوہدری فواد حسین ءَ گوشت کہ  شہباز شریف ءُ مریم نواز  ملک ءَ چہ  تچوگ لوٹ ایت،  ھمے واستہ آ   دل یکیم نہ بوھگ ءِ ڈرامہ ءَ را کنگ ءَ  بوھگ ءَ انت، راج ءِ دزتگیں دولت ءَ را  واپس  کنگ  ءَ ابید ما آواناں ڈن ملک ءَ روگ ءِ اجازت ءَ نہ دیاں۔  اے ڈل آنی تہ ءَ ریسرچ ءُ  سسا  نیست۔  1947 ءَ چہ 2006 ءَ تاں مئے  باندات وام 6 ٹریلین  کلدار بوتگ انت، 2008 ءَ چہ پد نواز شریف ءُ زرداری  ءَ وتی دھ  دھ سال آناں 23 ٹرلین وام  زرتگ،  آیوکیں دو سال ءَ ما  18  بلین ڈاسلر وام  واپس  کنگی انت  ھمے واستہ مارا سستائیں وام  زورگ کپ ایت۔  اسحاق ڈار اینڈ کمپنی ءَ پاکستان ءَ ڈی انڈسٹر لائزیشن  کت، پاکستان ءِ معیشت سروس سیکٹر  اکانومی جوڑ  کنگ بوتگ،  ما کساس سے سال  آنی تہ ءَ  انڈسٹری ءُ کشت ءُ کشار ءَ را دوارگ  وتی پاد آنی سر ءَ  اوشتارینتگ۔ اے ھیالانی درشانی آئی ءَ چار شمبے ءَ   پشاور  پریس کلب ءَ رحیم  اللہ یوسفزئی  ھدا مرزی  ءُ  ثنا اللہ ھدا مرزی ءِ یات ءَ   ریفرنس ءِ موہ  ءَ میڈیا ءَ گوں تران کنان ءَ کت۔