فیصل آباد۔ 09 فروری (اے پی پی) وزیراعظم عمران خان نا کماشی ٹی گوجرانوالہ ڈویژن آن تعلق تخوک آ پارلیمنٹ نا باسک آتا دیوان اس مس۔ دیوان اٹی قومی اسمبلی نا باسک سید فیض الحسن شاہ، حاجی امتیاز احمد چوہدری، چوہدری شوکت علی بھٹی و وجیہہ اکرم ئسک بشخ ہلکر۔ دیوان اٹی صوبائی اسمبلی نا باسک سلیم سرور جوڑا، میاں محمد اختر حیات، چوہدری لیاقت علی، محمد ارشدچوہدری ، محمد اخلاق، محمد طارق تارڑ، گلریز افضل گوندل و محمد احمد چٹھہ ئسک ہم ساڑی ئسر۔ دیوان اٹی تعلقدار حلقہ غاتا سیاسی امور و شونداری ڈٹ آتیا گپ وتران کننگا۔ وزیراعظم غٹ گچین مروک آ نمائندہ غاتے پارت کرے کہ او تینا تینا حلقہ غاتیٹی السی رابطہ مہم ءِ ترند کیر و الس نا ویل آتا زوت آن زوت ایسری کن ضلعی انتظامیہ تون اواری اٹ کاریم کیر۔ وزیراعظم اوفتے بروک آ بلدیاتی گچین کاری تیٹی سرسہبی ءِ پک کننگ کن پارٹی کارندہ غاتے متحرک کننگ نا ہم پارت کرے۔
