اسلام آباد۔ 09 فروری (اے پی پی) بنجائی وزیر خزانہ و محصولات شوکت ترین پارینے کہ ساڑی حکومت کشت وکشار ءِ مون آ دننگ ءِ و بزغرآتے اوفتا کمک و گچین پیدوار کن چندی آسودہی فراوان کننگ ءِ۔ اوداہیت ءِ چارشنبے نادے آ داڑے ایم این اے ملک محمد احسان اللہ ٹوانہ تون اوڑدہی ٹی گپ وتران کرسا پارے۔ ملک محمد احسان اللہ ٹوانہ وزیر خزانہ ءِ تھل انا علاقہ نا چنکا کشارگر آتا ویل آتیان معلومدار کرے ہرا پدریسہ خشک سالی آن بھاز زہمی ءِ و کشاری وام ادا کننگ آن قاصر ءُ و حکومت آن اوفتا ویل آتا ایسری کن کمکاری نا خواست کرے۔ وزیرخزانہ جناب شوکت ترین پارے کہ ساڑی حکومت کشت وکشار ءِ مون آدننگ ءِ و بزغرآتے اوفتا کمک و گچین پیدوار کن چندی آسودہی فراوان کننگ ءِ۔ وزیرخزانہ بزغرآتا پائیدار کمک کن فصل آتا بیمہ نا سلاہ ہم تس۔ وزیرخزانہ بزغرآتے حکومت نا کنڈآن پورو کمکاری نا باور کرفے و کشاری شونداری بینک صدر ءِ پارے کہ او پالیسی نا رداٹ وام تا گڑاس بشخ ءِ معاف کرسا تھل انا علاقہ ٹی خشک سالی آن زہمی بزغرآتے ریلیف فراوان کے۔ ملک محمد احسان اللہ ٹوانہ تھل انا علاقہ نا قحط زدہ بزغرآتا کمک آ وزیرخزانہ نا منتواری ءِ ہرفے۔
