اسلام آباد۔ 09 فروری (اے پی پی) وزیرخارجہ مخدوم شاہ محمود قریشی پارینے کہ پاکستان ، امریکہ تون ہڑتوم آ کنڈآتا وسیع البنداو وکثیر الجہتی تعلقداری تا خواہندار ءِ۔ داہیت ءِ او امریکہ کن پاکستان نا پندار سفیر سردار مسعود خان تون گپ وتران کرسا پارے ہرا چارشنبے نادے آ وزارت خارجہ ٹی اوڑتون اوڑدہی کرے۔ وزیرخارجہ بطور امریکہ ٹی سفیر پنداری آ سردار مسعود خان ءِ مبارکبادی تس و پارے کہ پاکستان، امریکہ تون ہڑتوم آ کنڈآتا وسیع البنداو و کثیر الجہتی تعلقداری تا خواہندار ءِ۔ اوپارے کہ پاکستان نا زرگزرانی سوگوی کن ، حکومت جغرافیائی ، اقتصادی اولیتی ایجنڈاغا ہِننگ ءِ۔ گرج داہیت انا ءِ کہ اقتصادی سفارت کاری نا کمک اٹ دنیا نا چکار پاکستان اٹی ساڑی زرکاری نا دوئی گیشتر وارخواہی تا کنڈآ کرفنگے۔ شاہ محمود قریشی پارے کہ اومیت ءِ کہ نی کون آ گیشتر آزموندہ تخوک سفارتکار نا تعیناتی آن، پاک امریکہ تعلقداریک پین سوگو مریرہ۔ امریکہ کن پندار سفیر سردار مسعود خان وزیرخارجہ نا منت واری ءِ ہرفسا اونا پارت آتیا عملدرآمد نا باور کرفے۔
