اسلام آباد۔ 09 فروری (اے پی پی) وزیراعظم عمران خان اینو چارشنبے نادے آ اسہ دے ئی دورہ غا فیصل آباد آ سرمریک۔ وزیراعظم فیصل آباد ڈویژن اٹی پوسکن آ پاکستان قومی جان جوڑی کارڈ پروگرام نا بناءِ کیک۔ پوسکن آ پاکستان قومی جان جوڑی کارڈحکومت نا اسہ انقلابی ءُ پروگرام اسے ہرانا رداٹ سرکاری و گچین مروک نجی ہسپتال آتیٹی فی اُراسالانہ 10 لکھ روپئی اسکان درمان نا مفت آسراتی دوئی مریک ۔ فیصل آباد ڈویژن اٹی بناکننگ آن پد پنجاب نا کم و ود 73درسد آبادی دا آسراتی آن فائدہ ہرفنگ کیک۔ پنجاب آن بیدس داتم اسکان قومی جان جوڑی کارڈ انا بناخیبرپختونخوا، اسلام آباد، ضلع تھرپارکر، گلگت بلتستان و آزاد جموں و کشمیر اٹی کننگانے۔ وزیراعظم داوخت آ دود آن تران ہم کیک۔ اوکان پد وزیراعظم گوجرانوالہ ڈویژن آن گچین مروک آ قومی و صوبائی اسمبلی نا باسک و فیصل آباد چیمبر آف کامرس اینڈ انڈسٹری (ایف سی سی آئی) نا باسک آتون اوڑدہی ہم کیک۔
