پاکستان ادارہ جاتی مٹء ُبدلی ءُ اقتصادی دیمروئی ءِ تہا میاں اوستمانی بینک ءِ مالی ء ُ تکنیکی کمک ءَ را  باز ارزشت دنت، حزانگ ءِ وزیر شوکت ترین ءِ میاں اوستمانی بینک ءِکنٹری ڈائریکٹر ءَ گوں گندءُنندءَ گپ ءُتران

اسلام آباد۔8فروری  (اے پی پی): حزانگءُ ٹیکس پڑءِ  بنجاہی وزیر  شوکت ترین ءَ گشتگ کہ پاکستان ادارہ جاری مٹ ء ُبدلی ء ُ ملک ءِ اقتصادی دیمروئی ءِ تہا میاں اوستمانی بینک ءِ مالی ء ُ تکنیکی کمک ءَ ر ا ارزشت دنت ۔ آئی ءَ اے گپ دوشمبے ءِ روچءَ پاکستان ءَ میاں اوستمانی بینک ءِکنٹریک ڈائریکٹر ناجی بن حسائن ءَ گوں گندء ُ نندءَ گپ ءُتران کنان  ءَ کتگ۔ دیوان ءَ حزانگ ءِ سیکرٹری ء ُ ایندگہ سینئر افسر ہم ساڑی بوتگ اَنت۔ دیوان ءَ پاکستان ءَ میاں اوستمانی بینک ءِ جاری منصوبہ آنی  چارءُ تپاسی کنگ بوتگ، دیوانءَ ریزلئینٹ انسٹی ٹیوشنزسٹرینتھنگ پروگرام (رائزٹو)ءِ ہم چارءُتپاسی کنگ بوتگ ء ُ اے پروگرام ءَ را پہ وہد سرجم کنگءِھاترءَ پیشوکی گامگیجانی سرءَ گپ  ء ُتران کنگ بوتگ۔ حزانگءِ وزیر ءَگشتگ کہ پاکستان ادارہ  جاری مٹء ُ بدلی ء ُ ملک ءِ اقتصادی دیمروئیانی تہا میاں اوستمانی بینک ءِ مال ء ُ تکنیکی  کمک ءَ را  باز ارزشت دنت۔ آئی ءَ یکوئی ءَ کمک ء ُ آسراتی سرکنگ ءَ میاں اوستمانی بینک ءِ کنٹری  ڈائریکٹر  ء ُ آئی ءِ ٹیم ءِ شکرءُ منت گپتگ۔