اسلام آباد۔8فروری (اے پی پی): وانگء ُ زانگء ُ کسبی اھیلکاری ءِ بنجاہی وزیر شفقت محمود ءَ گشتگ کہ ایچ ای سی باسکانی بازی ءَ وت واجہی ءِ جائز کارمرزی ءَ را گیش کنگءِ سرءَ تکانسری ءِ درشانی کتگ۔ سئے شمبے ءِ روچءَ میڈیا ءَ گوں گپ ء ُتران کتگء ُ شفقت محمود ءَ گشتگ کہ حکومت ءِ نیمگ ءَ چہ آرڈیننس آرگءِ مولء ُ مراد ہمک 2 سالاں پد ہائیر ایجوکیشن کمیشن ءِ سروک ءِ کارء ُ کردءَ را چارءُتپاسی کنگ بوتگ۔ آئی ءَ گشتگ کہ اے وڑ بوت بناکنت کہ یک انچیں مردمے ءَ را ہائیر ایجوکیشن 4 سالانی ھاترءَ دیئگ بہ بیت ء ُ آئی ءِ کارءُ کردءِ چارءُ تپاسی کنگ مہ بیت ء ُ آ یک دراجیں مدتے ءَ تنا بہ نیندیت۔ آئی ءَگشتگ کہ اسلام آباد ہائیکورٹ ءِ سرجمیں فیصلہ تاں انگت نیاتگک کہ آئی ءِ وجہ ءَ چہ تاں انگت سرپو بوہگءَ نیاں کہ طارق بنوری ءَ را عہدگءِ سرءَ چہ دور کنگ ءِ نوٹیفکیشن ہلاس کنگ بوتگ کہ سرجمیں آرڈیننس کینسل کنگ بوتگ۔ بنجاہی وزیر ءَ گشتگ کہ اسلام آباد ہائیکورٹ ءِ فیصلہ ءِحلاپ ءَ سپریم کورٹ ءَ اپیل کنگ ءَ اَنت۔ آئی ءَ گشتگ کہ تنا یک مردمے ءِ گپ ءَ ناکنت، سرجمیں ہائیرایجوکیشن ءِ پڑءِ ردیاں دور کنگءِ ھاتر دلجمی ءَ کار کنگ ءَ اِنت۔
