مزن وزیر عمران  خان ءُ آرمی چیف جنرل قمر جاوید  باجوہ  ءِ نوشکی بلوچستان ءِ تر ءُ تاب،  مزن وزیر  ءَ فوجی آنی کزبی   بلدکاری آنی توسیت

راولپنڈی۔8فروری  (اے پی پی): مزن وزیر   عمران خان ءُ آرمی چیف جنرل قمر جاوید باجوہ ءَ نوشکی بلوچستان ءِ تر ءُ تاب کت،   سر وزیر  ءُ گورنر بلوچستان   ، بنجاھی صوبائی و زیر  ھم مزن وزیر  ءِ ھمبراہ اتنت۔  مزن وزیر ءَ را  دمگ ءِ سیکورٹی جاور ھال  آنی سر ءَ بریفنگ  دیگ بوت۔  پاک فوج  ءِ شوبگ   آئی  ایس پی آر ءِ  رد ءَ اے موہ ءَ مزن وزیر ءَ    فوجی  ٹروپ آں گوں   گپ  ءُ  تران  ءَ پاکستان ءِ بے  دروریں   قربانی آنی پد ءَ شہید ءُ آوانی ھاندان  آناں  توسیپ ءُ ستا پیش کت۔ مزن وزیر ءَ فوجی آنی کزبی ھیل کار ءِ   توسیپ کت ءُ آپریشنل  تیاری  ءُ  دلیری آناں ساڑات۔  مزن وزیر ءَ بلوچستان ءِ دیمروئی  ءَ را  ڈگار ءَ جنوکوکیں ناشرکاری آنی ھلاسی ءِ واستہ سلاھ بندیں ارد ءِ کمک   ءُ جزم ءِ درشان کت۔  اے ساھت ءَ مزن وزیر ءَ   قبائلی سروک آں گوں  گپ ءُ تران کت  ءُ ناشرکاری ءِ ھلاپ ءَ  جنگ ءَ   کم ءُ  بلوچستان ءِ وشھالی ءُ دیمروئی  ءِ واستہ کتگیں حکومتی گامگیج آناں ساڑات۔ آئی ءَ جرگہ ءِ باسک آناں  بلوچستان  ءِ دیمروئی  منصوبگ آناں وھد ءُ موہ ءِ سر ءَ سرجمی ءِ واستہ   کمک جاڑی دارگ ءِ دل  یکیمی دات۔  مزن وزیر  ءَ زور پر دات کہ بلوچستان  ءِ دیمروئی مئے  اولی کار  انت ءُ پاکستان  ءِ آیوکیں باندات   ارزشتی انت۔