اسلام آباد۔ 08 فروری (اے پی پی) بنجائی وزیر صنعت وپیدوار مخدوم خسرو بختیار اینو کھد انا بابت بڑزکو کہولی دیوان نا کماشی ءِ کرے۔ بنجائی وزیر فوڈ سیکورٹی اینڈ ریسرچ سید فخرامام ہم ویڈیو لنک انا کمک اٹ دیوان اٹی بشخ ہلک۔ ایلو بشخ ہلوک آتیٹی فرٹیلائزر مینو فیکچرنگ انڈسٹری نا نمائندہ، درآمد کنندگان و صوبائی محکمہ غاتا آفیسر آک اوار ئسر۔ میٹنگ اٹ بروک آ موسم خریف کن ڈائی امونیم فاسفیٹ/ڈی اے پی و اونا گیگ بدل مصنوعات نا طب و رسد آ گپ وتران کننگا۔ دیوان اٹی پاننگاکہ پاکستان ڈی اے پی درآمد آتیا سیبو کیک انتئے کہ ڈی اے پی نا ہندی پیدوار بیرہ 30 درسد نا خڑک ءِ وخت اس کہ ربیع و خریب سیزن اٹ ڈی اے پی نا طلب عموما 2.2 ملین ٹن مریک۔ دیوان اٹی داہم پاننگاکہ داربیع ٹی یوریا و ڈی اے پی نا نہاد آتیٹی زیات پرخ انا سوب آن بزغرآک یوریا نا مقابلہ ڈی اے پی بیرہ 17.7 درسدشاغا۔ دیوان آن تران کرسا وزیر خسرو بختیار وزارت فوڈ سیکورٹی ءِ پارت کرے کہ او بزغرآتے اڑزآن نہاد آتیا ڈی اے پی کھد انا فراوانی کن وزارت صنعت و پیدوار تون اواری اٹ سبسڈی نا وڑوڈول اس مون آ اتے انتئے کہ فاسفورک ایسڈ وامونیا نا جہانی نہادآک ہم ڈی اے پی نا پیدوار اٹی استعمال مریرہ۔ وخت اس کہ ڈی اے پی نا تیار مروک مصنوعات آتا نہاد آک ہم جہانی منڈی ٹی غیرمعمولی وڑاٹ ودانو۔ بنجائی وزیر خسرو بختیار داہیت آ ہم زور شاغاکہ ساڑی حکومت بزغرآتا راجی آسراتی کن سنبرینگوک ءِ و داہیت ءِ پک کننگ کن غٹ کوشست کننگ ءِ کہ بزغرآتے جہانی نہاد آتیٹی ودکی نا مون تروئی تمپ۔ دیوان نا ایسر سبسڈی فریم ورک کن گائیڈ لائنز آ کننگا ہرا بروک آ دیوان اٹی کمیٹی ءِ پیش کننگک۔
