کراچی۔ 08 فروری (اے پی پی) وزیراعظم نا خصوصی کمکار امور نوجوانان عثمان ڈار پارینے کہ سندھ انا ورناتے سرسہب ورنا پروگرام نا کمک اٹ سرسہب ہُننگ خوانہ، سندھ انا ورناک پروگرام تیان پبی فائدہ ہرفر، سرسہب ورناپروگرام سندھ انا ورناتے واکدار کننگ نا پروگرام ءِ۔ سے شنبے نادے آ پی ٹی آئی نا کنڈآن جاری بیان نا رداٹ داخیال آتا درشانی ءِ او حبیب بینک لمیٹڈ نا صدر تون اوڑدہی ٹی گپ وتران کرسا کرے۔ داوخت آ سندھ اسمبلی ٹی قائد حزب اختلاف حلیم عادل شیخ ہم ساڑی ئسک۔ اوڑدہی ٹی سرسہب ورناپروگرام نا بابت گپ وتران کننگا۔ داوخت آ ایچ بی ایل نا کنڈآن 3 ارب نا وام ورناتیٹی بشخنگ آ کیک اس ہم کاٹ کننگا۔ خصوصی کمکار سرسہب ورناپروگرام نا بابت ایچ بی ایل نا پالیسی نا ہم ستاءِ کرے۔
