اسلام آباد۔ 08 فروری (اے پی پی) پوسکن ودی مروک آ چناتے ٹی مرک انا بنداوی سوب دُن کشتہ مننگ، انفیکشن و وخت آن مست ودی مننگ ءِ۔ سے شنبے نادے آ وزارت قومی جان جوڑی نا کنڈآن جاری ٹویٹ اٹی پاننگانے کہ پوسکن ودی مروک آ چناتیٹی مرک عمومی وڑاٹ اوفتا ودی مننگ نا مسہ دے انا تہہ ٹی مریک۔ مرک انا بنداوی سوب آتیٹی دم کُٹنگ، انفیکشن (انفیکشن)، و وخت آن مست ودی مننگ اوار ءِ۔ ولے دا ویل ءِ چناتا وخت آن مست ودی مننگ و ودی مننگ آن پد انا جوان خیالداری نا کمک اٹ ایسر کننگ مریک۔
