پورو ویکسی نیٹڈ شونقی تیکن 16 فروری آن اسٹیڈیم نا100 درسد گنجائشت اٹ میچ ءِ ہُننگ نا موکل مریک، این سی اوسی

اسلام آباد۔ 07 فروری (اے پی پی) پورو ویکسین خلفوک آ شونقی تیکن 16 فروری آن اسٹیڈیم نا 100 درسد گنجائشت نا موکل مریک۔ پاکستانی بالی پٹ آتیا بننگ آ اندرون ملک مسافر آتیکن آر اے ٹی ٹیسٹ 8 فروری آن چٹفنگانے۔ دوشنبے نادے آ این سی او سی ٹی بنجائی وزیر ڈٹ بندی، شونداری و خصوصی گام گیج اسد عمر نا کماشی ٹی نیشنل کمانڈ اینڈ آپریشن سینٹر نا دیوان مس۔ فورم دینی مرض آتا حساب وکتاب ، قومی ویکسی نیشن نا پیش رفت، ان باؤنڈ ہیلتھ پروٹوکول و برجاپی ایس ایل ناارٹ میکو ریسہ غا گپ وتران کرے۔ پاکستان کرکٹ بورڈ ءِ 15 فروری 2022اسکان پاکستان سپر لیگ (پی ایس ایل) نا لاہور اٹی مروک آ میچ آتیٹی 50 درسد اسٹیڈیم اٹی پورو ویکسین خلفوک آ شونقی تیکن میچ کرفنگ نا موکل تننگانے، ولے 16 فروری آن پورو ویکسین خلفوک آ شونقی تیکن اسٹیڈیم اٹی 100 درسد گنجائشت نا موکل مریک ہرافتے ٹی 12 سال آن کم وئی نا ہمو چنا(غیر ویکسین شدہ) تے ہم میچ ءِ ہُننگ نا موکل مریک۔ پاکستانی بالی پٹ آتیا بننگ آ اندرون ملک مسافر آتین RATٹیسٹ 8 فروری آن چٹفنگانے ولے RATٹیسٹ پیشن نا ملک آتیان ڈی پورٹ مروک آ و لینڈ بارڈر ٹرمینل آتیان بروک آ ویکسین مفروک آ بندغ آتیکن برجاسلک۔