اسلام آباد۔ 07 فروری (اے پی پی) وزیراعظم نا خصوصی کمکار سی پیک امور خالد منصور پارینے کہ چین پاکستان اقتصادی راہداری فیز ٹو انا رداٹ چین 7 بشخ آتیٹی ارب آ ڈالر نا پین زرکاری کیک، سی پیک اتھارٹی ٹی ون ونڈو آپریشن نا بناءِ کننگانے، سی پیک اتھارٹی چینی زرکارآتا گڑتی تے مر کننگ ءِ، وزیراعظم نا دورہ چین اٹی 20 دیوان اڈ ہلک ہرافتے ٹی فارچیون500کمپنی تا سروک آتون ورچوئل اوڑدہی مس۔ داخیال آتا درشانی ءِ او دوشنبے نادے آ پریس کانفرنس آن تران کرسا کرے۔ خالد منصور پارے کہ سی پیک اتھارٹی ٹی ون ونڈو آپریشن نا بناءِ کننگانے۔ سی پیک اتھارٹی چینی زرکارآتا گڑتی تے مر کننگ ءِ۔ وزیر اعظم نا کنڈآن باقاعدہ وڑاٹ ویل آتا ایسری نا باوری کرفنگانے۔ اوپارے کہ ایم ایل ون و توانائی نا ڈٹ آتیا مثبت پیش رفت مون آ بننگ ءِ۔ چین نا کنڈآن باقاعدہ وڑاٹ پرپوزلز گدریفنگا کہ او ہرا بشخ آتیٹی زرکاری کیک۔ اوپارے کہ چینی صدر شی جن پنگ و وزیراعظم لی ءِ زرکاری نا بابت کتاب ’’فچ بک‘‘ پیش کننگا۔ چینی کمپنیک گوادر اٹی پیپر و اسٹیل نا ری سائیکلنگ کن پلانٹ خلیرہ۔ میٹلز نا ایکسپورٹ کن کم و ود چار ءُ نیم ارب ڈالر نا زرکاری گمانی ءِ۔ اوپارے کہ 19 بشخ آتا کمپنیک ملٹی بلین ڈالرز زرکاری مریک۔ اوپارے کہ ای سی سی آئی پی پیز کن 100 ارب روپئی نا گرانٹ نا منظوری ءِ تسوسس ہراٹی مہالو آن 50 ارب روپئی نا زر 9 آئی پی پیز ءِ تننگانے و ایلو 50 ارب روپئی ہندا تُو انا ایسر اسکان اودے تننگک۔ اوپارے کہ سی پیک نا 53 ارب ڈالر نا زرکاری آن 25 ارب ڈالر نا زرکاری مریک۔ پاکستان اٹی صنعت آتا بحالی و صنعتی شونداری نا بابت پوسکن ءُ گام گیج کننگ انگ ءِ۔ اوپارے کہ کشت وکشار و ٹیکسٹائل نا بشخ اٹی چینی زرکارآک زرکاری کیرہ۔ اوپارے کہ چینی کمپنیک کشاری سینٹر اس جوڑ کننگ نا پرپوزل اس تسنو۔ چینی کمپنی کراچی پورٹ آ ایل این جی اسٹوریج کن ہم زرکاری کیک۔ اوپارے کہ وزیراعظم نا تاریخی دورہ چین نا ایجنڈا نا بابت نمے پانہ۔ خالد منصور پارے کہ وزیراعظم تون ون آن ون اوڑدہی ہم کننگا، وزیراعظم نا ہِننگ آن مست پورو تیاری کننگا۔ اوپارے کہ سی پیک نا بابت چین نا ناراضگی و کاریم نا رفتار سست مننگ نا خبر تالان کننگا۔ وزیراعظم نا ہِننگ آن مست 20 دیوان وزیراعظم نا کماشی ٹی مس، 500 آن زیات چینی کمپنی تا نمائندہ غاک ہم دادیوان آتیٹی بشخ ہلکر، وزیراعظم بیرہ ملکی فائدہ غاتیٹی دا کمپنی تتون گپ وتران کرے، چین نا پاکستان اٹی زرکاری نا ڈٹ آتیکن داسہ اپروولز و این اوسی ءِ آسان کننگا، چینی زرکارآتا ویل آتا ایسری کن گام گیج کننگ انگ ءِ۔ خصوصی کمکار پارے کہ چینی کمپنیک پاکستان اسٹیل ملز انا نجکاری نا بڈنگ اٹ بشخ ہلیرہ۔ اوپارے کہ چینی بھلا 500 لیڈنگ بزنس پڑک آتے وزیراعظم پت تسنے۔ وزیرخارجہ نا چینی وزیر خزانہ تون میٹنگ مس، وزیراعظم نا چینی صدر و وزیراعظم تون اوڑدہی مس۔
