پاکستان بیرہ مسہ دے اٹی کوویڈ۔ 19 ویکسین تا 50 لکھ آن زیات ٹیکہ خلسا تاریخ اس نوشتہ کرینے، اسد عمر

اسلام آباد۔ 07 فروری (اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسدعمر پارینے کہ پاکستان بیرہ مسہ دے اٹی کوویڈ۔ 19 ویکسین تا 50 لکھ آن زیات ٹیکہ خلسا تاریخ اس نوشتہ کرینے۔ دوشنبے نادے آ تینا ٹویٹ اٹی اوپارے کہ مچ آ ملک اٹی پدریسہ 3 دے اٹی ہڑدے ئی ویکسین نا ریکارڈ کچ اٹی ٹیکہ خلنگا۔ اوپارے کہ این سی او سی نا ڈیزین کروک مچ آ ملک اٹی برجاموبائل ویکسی نیشن مہم آ غٹ صوبہ غاتا کمک اٹ عملدرآمد کننگ انگ ءِو دا مہم جوان ءُ بھرم اس تننگ ءِ۔ اوپارے کہ مہم نا ہدف غٹ شاری تسکان رسینگ دوئی کننگ ءِ تانکہ نن دے انا دے اس کورونا دین اتون تعلقدار غٹ پابندی ءِ چٹفنگ کین۔