سیکرٹری صنعت و پیدوار و سمیڈا تعلقدار کمامدارآتون اواری اٹ ایس ایم ای انڈسٹریل اسٹیٹس اس جوڑ کننگ کن عمل نا قابل ماڈل اس مون آ اتیر، مخدوم خسروبختیار نا دیوان آن تران

اسلام آباد۔ 07 فروری (اے پی پی) بنجائی وزیر صنعت و پیدوار مخدوم خسروبختیار پارینے کہ حکومت ساڑی آ انڈسٹریل اسٹیٹس اٹی ایس ایم ایز کن 4200 ایکڑ ڈغار پلگ اینڈ پلے نا بنداو آ جتا کریسس، داسہ صوبائی حکومت آتا کمک اٹ ایس ایم ایز کن داانفراسٹرکچر نا فراوانی کننگ انگ ءِ۔ وزارت صنعت و پیدوار نا کنڈآن جاری بیان نا رداٹ داخیال آتا درشانی ءِ او تینا کماشی ٹی ایس ایم ای ڈویلپمنٹ نا بابت پری این سی سی (نیشنل کوآرڈنیشن کمیٹی) نا دیوان اٹی کرے۔ دیوان اٹی پنجاب نا وزیر خزانہ مخدوم ہاشم جواں بخت، چیف سیکرٹری پنجاب کامران افضل ، سی ای او سمیڈا ہاشم رضا وپنجاب نا تعلقدار صوبائی سیکرٹریز ئسک بشخ ہلکر۔ بنجائی سیکرٹری صنعت و پیدوار و وزارت نا سینئر آفیسر آک ویڈیو لنک انا کمک اٹ اوار مسر۔ میٹنگ اٹی نیشنل ایس ایم ای پالیسی نا رداٹ چنکا ونیامی کاروبار تے ڈغار نا الاٹمنٹ نا بابت نفاذ نا ڈٹ آتیا گپ وتران کننگا۔ بنجائی وزیر پارے کہ حکومت ساڑی آ انڈسٹریل اسٹیٹس اٹی ایس ایم ایز کن 4200 ایکڑ ڈغار پلگ اینڈ پلے نا بنداو آ جتا کریسس، داسہ دا انفراسٹرکچر نا فراوانی صوبائی حکومت آتا کمک اٹ ایس ایم ایز کن فراوان کننگ انگءِ۔ بنجائی وزیر سیکرٹری صنعت و پیدوار و سمیڈا ءِ پارت کرے کہ او تعلقدار کمامدارآتون اواری اٹ کاریم کننگ کن اسہ عمل نا قابل ماڈل اس مون آ اتیر تانکہ ایس ایم ایز کن سیٹ اپ خڑچ ءِ کم کننگ کن ڈغار نا لیز ماڈل نا بنداو آ ایس ایم ای انڈسٹریل اسٹیٹس اس جوڑ کننگے۔