وزیر مملکت حوالکاری و شینکاری فرخ حبیب نا نوشکے بلوچستان اٹی دہشت گرد آتا برخلاف جنگ ترسا وطن عزیز آ قربان مروک آ نرزور گل زادہ کیپٹن ڈاکٹر محمد بلال خلیل شہید نا ہنکین آ بس ، باوہ و عزیز و قریب آتون ہڑزخواہی

فیصل آباد۔ 07 فروری (اے پی پی) وزیر مملکت حوالکاری و شینکاری فرخ حبیب نا نوشکے بلوچستان اٹی دہشت گرد آتا برخلاف جنگ ترسا وطن عزیز آ قربان مروک آ نزور گل زادہ کیپٹن ڈاکٹر محمد بلال خلیل شہید نا اُراغا بس۔ وزیر مملکت شہید نا باوہ و ایلو عزیز و قریب آتون ہڑزخواہی کرے۔ فرخ حبیب پارے کہ دہشت گرد آتون جنگ ترسا شہید مروک آ قوم انا گل زادہ غاتیا مچ آ قوم گمر کیک ۔ اوپارے کہ شہید آک قوم انا پیشانی نا جھومر ءُ، نن تینا ورناتا قربانی تیا گمر کینہ۔ وزیر مملکت پارے کہ سلہہ بند فوج لمہ وطن نا رکھ و دفاع کن بے مٹ قربانی تسنے۔ فرخ حبیب پارے کہ اللہ تعالیٰ شہید آتا درجہ غاتے بڑز وخاہوت ءِ دا صدمہ ءِ سگنگ نا ہمت عطاکے۔ وزیر مملکت شہید نا بخشش و درجہ غاتا بڑزی و پدسلوک آتے دا صدمہ ءِ ہمت اٹ سگنگ نا توفیق تننگ کن دعا کرے۔