پاکستان ءُ چین ء پڑ  ء ایمنی ، برجائی ءُ دیمروئی ءِ واستہ یکجائی کوشست جاڑی دارگ ءِ   بابت ءَ تپاک ، اوگانستان ءَ بنی آدمی ڈکالی ءَ گوں گر ءُ چیل بوھگ ء واستہ میا ں اوستمانی برات  زوتیں گامگیج کنگ ء  سرءَ زور، مزن وزیر  عمران خان ءِ چینی صدر  ء گوں گند ءُ نند

بیجنگ  ۔6فروری  (اے پی پی):پاکستان  ءُ چینءَ پڑے ایمنی ءُ برجائی ءُ دیمروئی ءِ واستہ یکجائی کوشست  جاڑ دارگ ء ِ ھولگ ءَ تپاککت۔ دوئیں  مملک آں اوگانستان ءَ بنی  آدمی ڈکالی ءَ گوں گر ءُ چیل بوھگ ء واستہ میاں اوستمانی برات آناں زوتیں گامگیج  کنگ ء  ھوالگ ءَ زور دات۔  مزن وزیر کارگس ء میڈیا ونگ ءِ   جاڑیگیں  بیان ء  رد ءَ  یک شمبےءَ مزن وزیر  عمران خان ءَ چین ءِ  صدر شی جن پنگ ءَ گوں بیجنگ ءَ  ٹوھیں السی ھال ءَ گند ءُ نند کت۔ اے گپ مزن وزیر عمران خان ءَ اکتوبر  2019  ءَ چین ء  تر ءُ تاب ءَ چہ پد اولی گند ءُ نند ءَ کت انت۔ دوئیں سروک آں  پاک۔ چین  دونیمگی یکوئی آنی سر ءَ سرجمیں  چار ءُ تپاسی گپت ءُ   جوانیں  جار ءُ دمگی   ارزشتی ایں کار ءُ میاں اوستمانی  جیڈھ آنی ھوالگ  ءَ سرجمیں  ھیالریچی کت۔  مزن وزیر عمران  خان ءَ بینگ ءَ  بیست ءُ چارمی اولمپک سرتی گیمز آنی کامیاتیں میزبانی ءِ پد ءَ  چین ء سروک ءُ الس آناں مبارک بات دات ءُ چین ءِ نوکٰیں  سال ء بنگیج ءَ نیکیں وھشت آنی درشان کت۔ مزن وزیر عمران خان ءَ  درشان کت کہ  چین پاکستان ءِ  جوانیں دوست ات۔  ایشانی دوستی باز مھکم انت۔   آئی ءَ گوشت کہ پاکستان ءُ چین ء نیام ءَ  جوانیں سٹریٹیجک کمک آں مدا م آزمائش ءِ ساھت ءَ  مقابلہ کتگ ءُ دوئیں ملک وتی وژن، وشھالی، دیمروئی ءُ ایمنی  ءُ برجائی ءِ یکجائیں واھشت  آناںسرجم ءُ برجم کنگ ءِ واستہ ھمکوپگ ءَ اوشتاتگ انت۔