اسلام آباد۔4فروری (اے پی پی): مزن وزیر عمران خان ءَ چین ءِ الس آناں چینی روچ آنی ھساب ء سالروچ ء درگت ءَ مبارک بات داتگ ءُ بیجنگ ءَ سردی ءِ اولپمکس ءِ چارگ ء پد ءَ گل ءُشاتی ء درشزان کتگ۔ آدینگ ءِ روچ ءَ سی جی ٹی این ٹیلی ویژن ءَ را یک ھاسیں گلگدارے ءِ سات ءَ آئی ءَ گوشت کہ وتی زندمان ءِ بیست سال لیب ءُ گوازی ء پڑ ءَ گوازینتگ بلے ھما انت کہ مزن وزیر جوڑ بوتگ آں من ءَ ٹیلی ویژن ء سر ءَ لیب چارگ ء وھد نہ رستگ۔ آئی ء گوشت کہ بیجنگ ءَ سرتی ءِ اولپمکس چارگ یک وشیں ھبر ات۔ آئی ءَ گوشت کہ من ایشی ء وداریگ بوتگ آں ۔ مزن وزیر ءَ گوشت کہ چین ء مردم آناں چینی نوکیں سال ء درگت ءَ مبارک بات دیگ لوٹاں ءُ آئی ءَ گوشت کہ اے ٹائیگر ء سال انت۔ ایش منی دوستیگیں دلوت انت۔ آئی ءَ گوشت کہ من ءَ امیت انت کہ ایش آیوکٰیں سال چین ءُ ایندگر دگنیا ءِ واستہ ایمنی ءُ وشھالی کار ئیت۔
