بھارت ءِ  زوراکی رویہ ءُ ہندو توا لیکہ  ءِ سروکی    دمگی ایمنی ءِ واستہ  ھوپ ءُ  ترس ات، اوگانستان ءَ  ایمنی ءُ سلامتی ءِ واستہ   ھوپ ءُ ترس ات،  اوگانستان  ءَ ایمنی ءُ سلامتی ءِ  واستہ  کمک پاکستان ءُ چین ءِ  وت مہ وتی  سیت آنی  انت۔ دگنیا  یک دگہ سرتیں جنگے ءِ  وداریگ بوت نہ کنت، مزن وزیر عمران خان ءِ چین ءَ  دیون ءَ گوں گشتانک

بیجنگ۔4فروری  (اے پی پی): مز ن وزیر عمران خان ءَ بھارت ءِ   زوراکی ءُ  ہندو توا لیکہ ءِ سروکی ءَ را  دمگی ایمنی ء  واستہ   ھوپ ءُ ترس نامینتگ ءُ گوشتگ کہ میاں اوستمانی برات  آناں بھارت ءِ گیر کانودی   رنگ ءَ جموں کشمیر ءَ ظلم ءُ  زوراکی آنی سر  ءَ دلگوشی دیگ لوٹ ایت۔ اوگانستان ء َ ایمنی ءُ سلامتی ءَ را  دل یکیمی جوڑ کنگ ءِ واستہ کمک  پاکستان ءُ چین ءِ  وت  مہ وتی سیت ءِ اواستہ انت۔    استیں جیڈھ آنی رد ءَ دگنیا  یک  تہ سرتیں جنگے ء  چاروک بوت نہ کنت۔ آدینگ ءِ روچ ءَ  مزن وزیر  میڈیا ونگ ءِ نیمگ ءَ جاڑیگیں  بیان ءِ رد ءَ   تر ءُ تاب چین ءِ ساھت ءَ مزن وزیر عمران خان ءَ  چین ء نامداریں  تھنک ٹینکس ، یونیورسٹی  ءُ پاکستان سڈیز سنٹرز ءِ سروک ءُ   نماھند آنی گوما  ھاسیں دیوان ءِ بست ءُ بند کت۔  دیوان ءِ ساھت ءَ مزن وزیر  ءَ  پاک۔ چین یکوئی آنی ارزشت   ءُ دمگی  برجائی ءُ وشھالی ءَ را دل یکیمی جوڑ کنگ ءسر ءَ زور پر دات۔ آئی ءَ  ٹوھیں فورمز آنی تہ  ءَ پاک۔ چین  یکجائی بن گپ  ءَ را سہرا کنان  ءَ ون چائنہ  پالیسی ءُ بنیاتی سیت آنی بستار  داریں  ایندگر   کار آنی سر ءَ پاکستان ء پکوئیں  جزم ء درشان کت۔  کشمیر ء جیڈھ ء رد ءَ  چین ء ِ  جوانیں   لیکہ ءِ دارگ ءِ پد ءَ  آئی  ءِ منت واری گپت۔   دیوان  ءِ ساھت ءَ مزن وزیر ءَ  دمگی برجائی ءُ وشھالی ءَ را دل یکیمی جوڑ کنگ ءَ  پاک۔ چین یکوئی آنی ارزشت  ءِ سر ءَ ھیال آنی درشانی کت۔