مزن وزیر عمران خان ءِ  چین ءِ  وتی ھمکار لی کی کیانگ ءَ  گوں گند ءُ نند، وت مہ وتی  معاشی یکوئی آناں گیش دیمروئی  دیگ ءِ واستہ یکجائی ءَ کار کنگ ءِ سر ءَ تپاک، پراھ ءُ شاھیگانیں سٹریٹیجک کمک ءُ نوکٰ دور  ءَ یکجائی آیوکٰیں باندات ءِ واستہ پاک – چین کمیونٹی ءِ برجائی  ءِ جزم ءِ درشان

بیجنگ ۔5فروری  (اے پی پی):پاکستان  ءُ چین ءَ وت مہ  وتی یکوئی آناں دیمروئی دیگ  ءِ واستہ یکجائی ءَ کار کنگ ءِ سر ءَ تپاک  ءُ  پراھ ءُ شاھیگانیں سٹریٹیجک  یکوئی ءُ نوکیں  دور  ءَ  یکجائی آیوکیں باندات ءِ واستہ پاک چین کمیونٹی  ءِ برجائی ءِ جزم ءِ درشان کت۔ مزن وزیر   عمران خان ءَ چین ءُ پاکستان ءِ  دمگی رابطہ ءُ اوگانستان ءَ ایمنی ءُ برجائی  ءُ دیمروئی ءِ یکجائی سیم سر آنی دیمروئی ءِ واستہ   یکجائی ءَ کار کنگ  ءُ بھارت ءِ گیر  کانودی  جموں کشمیر  ءَ  نہ گیگیں جاور ھال  آناں سہرا کنان  ءَ کشمیری  الس آنی سکیں ساھت آنی ھلاسی ءِ واستہ  میاں اوستمانی برات آنی نیمگ ءَ زوتیں گامگیج آنی ارزشت ءِ سر ءَ زور پر دات۔ اے ھیالانی درشانی آئی ءَ    شمبے ءِ  روچ ءَ   ادا چین ءِ مزن وزیر  لی کی کیانگ ءَ گوں گند ءُ نند ءِ ساھت ءَ  کت۔ اےموہ ءَ  وزیر  ءِ درئی کار  شاہ محمود  قریشی   ، وزیر ءِ ھزانگ  شوکت ترین، بنجاھی وزیر بر ائے منصوبگ بندی، دیمروئی ءُ ھاسیں  گہتری کار  اسد عمر،  بنجاھی وزیر  شنگ کاری چوہدری فواد حیسن ءُ مزن  تکی کارندہ  ساڑی اتاں۔