مزن وزیر عمران  خان ءِ  چین ءِ تر ءُ  تاب ءِ دومی روچ ءَ چین ءِ جتا جتائیں سرکاری  ءُ  پرائیویٹ کمپنی آنی مزن تکی کارندہ آں گوں گند ءُ نند

بیجنگ ۔5فروری  (اے پی پی): مزن وزیر عمران خان ءَ  وتی  چین ءِ تر ءُ  تاب ءِ دومی  روچ ءَ جتا جتائیں سرکاری ءُ پرائیویٹ  کمپنی آنی مزن  تکی کارندہ آں گوں گند ءُ نند کت۔ مزن وزیر عمران خان ءَ حکومت  ءِ نیمگ ءَ  گیر ملکی  سرمایہ کار ھاسیں  رد ءَ ملک ءِ ھاسیں اقتصادی  زون  آنی تہ ء چینی سرمایہ کاری ءِ واستہ  آسراتی  ءِ  یشکوئی ھال آناں  سہرا  کت۔   آئی ءَ دل یکیمی دات کہ  پاکستان  ءُ چینی کمپنی  آناں  اے کاروبار آناں دیمروئی ءِ  واستہ ھمک رنگیں آسراتی پجاری  کنگ بہ بیت۔  شمبے ءِ روچ ءَ   مزن وزیر  کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر  عمران خان ءَ  چائنہ انرجی اینڈ ایجینئرنگ  کارپوریشن ءِ چیئرمین ، چائنہ سٹیٹ   کنسٹرکشن انجینئرنگ کارپوریشن (سی ایس سی ای سی) پاور چائنہ، ایسٹ سی گروپ، چائنہ ریلوے گروپ لمیٹڈ، چائنہ میٹالورجیکل گروپ کارپوریشن، بیجنگ سنچری انڈسٹریل ڈویلپمنٹ کمپنی لمیٹڈ  ءُ  چین مکس گروپ  ءِ مزن تکی کارندہ آں  گند ءُ نند کت۔  گند ءُ نند ءِ ساھت ءَ چینی سرمایہ کار آناں مزن وزیر  عمران خان  ءَ را پاکستان  ءَ  اے جاڑیگیں  منصبوبگ آنی  آنی سر ءَ دیمروئی ءُ   انرجی،   ریفائنگ، پٹروکیمیکلز، انفراسٹرکچر ڈویلپمنٹ، واٹر مینجمنٹ، انفارمیشن اینڈ کمیونیکیشن ٹیکنالوجی  ءُ  ہائوسنگ  ءِ شوبگ ءَ  اربانی  ڈالر ءِ  آیوکیں  باندات ءَ سرمایہ کاری  منصوبگ  آنی بابت ءَ سرپد کت۔  گند ءُ نند ءِ ساھت ءَ کابینہ   ءِ باسک  ءُ ایندگر  ٹوھیں کارندہ   مزن وزیر  ءِ ھمبراہ اَتاں۔