کشمیر ءِ جیڈھ ءِ ھوالگ ءَ پاکستان ءِ مھگمیں بنگپ ات، امریکہ ءَ ھم گوانک چست بوھگ ءَ انت کہ کشمیر ءَ را گیوار کنگ بہ بیت، یونائیٹڈ نیشن ءَ پاکستان ءِ گشتانکار منیر اکرم

اسلام آباد۔5فروری  (اے پی پی): یونائیٹڈ نیشن  ءَ  پاکستان ءِ گشتانکار  منیر اکرم ءَ گوشت کہ  کشمیر ءِ  جیڈھ ءِ سر ءَ پاکستان ءِ  بن گپ  مھکم انت، پاکستان کشمیری آنی وت واجئی ھک ءِ واستہ  آزاتی ءِ تحریک  ءَ را کمک،  سفارتی ءُ سیاسی   کنت،   تاں وھد ءِ  مزن  وزیر  عمران خان ءَ  یونائیٹڈ نیشن   ءِ جنرل  اسمبلی ءَ گشتانک کتگ  ایشی ءَ چہ پد  سئے رند ءَ  یونائیٹڈ نیشن  ءِ سلامتی کونسل ءِ  کشمیر  ءِ جیڈھ ءِ سر ءَ باست ءُ واستہ  بوتگ۔ کشمیر ءِ ھوالگ ءَ  بھارت ءِ سر ءَ دگنیا ءِ زور  پر بوھگ ءَ انت۔  امریکہ ءَ ھم گوانک چست بوھگ ءَ انت کہ  کشمیر ءِ جیڈھ  ءَ را گیوار کنگ  بہ بیت ۔ کشمیر ءِ جیڈھ  کشمیری الس آنی  واھگ آنی رد ءَ  یونائیٹڈ نیشن   ءِ منوگری آنی رد ءَ گیوار بہ بیت۔  شمبے ءِ روچ ءَ پرائیویٹ  ٹی وی چینلے ءَ گوں گلگدارے ءِ ساھت ءَ تران کنان ءَ  آئی ءَ  گوشت۔