مزن وزیر عمران خان ءِ ازبک صدر شوکت مرزیوف ءَ گوں گند ءُ نند، دو نیمگی یکوئی آنی  توامیں بھر آنی سر ءَ سرجمیں  ھیال ریچی

بیجنگ ۔5فروری  (اے پی پی): مزن وزیر عمران  خان ءَ گوں شمبے ءِ  روچ ءَ بیجنگ ءَ سردی ءِ اولمپکس لیگ ءُ گوازی آنی  بنداتی مراگش ءِ موہ ءَ  ازبکستان ءِ صدر  شوکت مرزیوف ءَ  گوں گند  ءُ نند کت۔ دوئیں سروک آں  شرپ ءُ ازت ، راجدپتر  ءُ دود ءُ ربیدگ  ءِ یکجائی ریشت، دوستی ءُ  نزیکیں  یکوئی آنی رد ءَ دو نیمگی   یکوئی آنی سر ءَ ھیال ریچی کت۔  دوئیں سروک آں پاکستان ءُ ازبکستان ءِ نیام ءَ شریکداری ءِ درج بریں کچ ءُ کساس ءَ اپ گریڈ کنگ ءُ ارزشتی  ایں منصوبگ آنی   جاڑی دارگ ءِ درشان کت۔  مزن وزیر عمران  خان  ءَ گوشت کہ  پاکستانی الس ازبک صدر شوکت مرزیوف ءِ   تر ءُ تاب  پاکستان ءِ  کنگ ءِ  وداریگ  اِنت۔ دوئیں پریک آں  تر ءُ تاب  ءِ مھکمیں آسر آنی سر ءَ دل یکیمی جوڑ کنگ ءِ واستہ یکجائی ءَ کار کنگ ءِ تپاک کت۔