اسلام آباد۔5فروری (اے پی پی):صدر مملکت ڈاکٹر عارف علوی ءَ گوشت کہ بھارت کشمیر ی آنی وت واجئی ھک ءَ را گیش دیراں تاں داشت نہ کنت، استیں دور ءُ باریگ ءَ ایمنی ءَ را داشت نہ کنت۔ دگنیا ءِ اخلاقیات ءَ چہ زانگ بیت کہ آواناں کشمیری آنی لگت مالی ءَ چہ تکلیف نہ بیت چیا کہ آوانی ھاسیں سیت ءُ نپ گوں بھارت ءَ بندوک اَنت۔ اے ھیالانی درشانی آئی ءَ شمبے ءِ روچ ءَ یوم ءِ یکجہتی کشمیر ءِ موہ ءَ پارلیمانی کمیٹی برائے کشمیری دود ءُ ربیدگ ءُ اکادمی ادبیات پاکستان ءِ چیر دستی ءَ بندوبست کتگیں باندات پاکستان یکجہتی کشمیر مشاعرہ ءَ گوں گشتانک دیان ءَ کت۔ اے ساھت ءَ امجد اسلام امجد، ڈاکٹر انعام الحق جاوید، منصور آفاق، عدل سومرو، محسن شکیل، عنبرین نصیر عنبر سمیت ملک ءُ ایندگر شاعر آں بھر زوری کت ءُ وتی وتی شعر ونت ات۔ صدر مملکت ڈاکٹر عارف علوی ءَ شاعر آناں شیلڈز بھر ءُ بانگ کت انت۔
