بیجنگ۔ 05 فروری (اے پی پی) بنجائی وزیر ڈٹ بندی ، شونداری، اصلاحات و خصوصی گام گیج اسدعمر پارینے کہ وزیراعظم نا دورہ غان پد انفارمیشن ٹیکنالوجی ، کشت وکشار و صنعت نا بشخ اٹی چینی زرکاری ٹی ودکی مریک۔ ہفتہ نادے آ تینا اسہ انٹرویو اسے ٹی اوپارے کہ دورہ چین اٹی ننا چینی زرکارآتون اوڑدہی مننگ ءِ ہرا پاکستان اٹ چندی بشخ آتیٹی زرکاری ٹی است خواہی تخرہ۔ وزیراعظم تینٹ اوفتا براہ راست ہیتءِ ہم بِننگ ءِ و ہراٹک آتے اوفک ہرفنگ ءُ اوفتا ورندی و غٹ وزارت آتے دا بابت عملدرآمد کن پرمان جاری ہم کننگ ءِ۔ وزیراعظم عمران خان چینی وزیراعظم لی تون اوڑدہی ہم کننگ ءِ و پاکستان ہرابشخ آتیٹی زرکاری کننگ کن درخواست کننگ ءِ اوفتیا ہم سجفنگک۔ چینی صدر شی جن پنگ تون یک شنبے نادے آ مروک آ اوڑدہی ٹی وزیراعظم عمران خان ہندا ٹک آتے ہرفک۔ اومیت ءِ کہ دادورہ غان پد انفارمیشن ٹیکنالوجی ، کشت وکشار و صںعت نا بشخ اٹی چینی زرکاری ٹی ودکی مریک۔
