لاہور۔ 05 فروری (اے پی پی) وزیراعلیٰ پنجاب سردار عثمان بزدار پارینے کہ بھارت مقبوضہ جموں و کشمیر اٹی ظلم و بربریت نا بازار ءِ گرم کرینے، بھارت بھلو وخت اسے آن عدالت آن ایڑتر کشمیری تا کشت وخون ءِ کننگ ءِ ، بےگناہ کشمیری ورناتے ہردے بے دردی اٹ شہید کننگ انگ ءِ۔ اوپارے کہ بھارتی دہشت گردی آ جہانی برادری نا چپی نا ہچ ءُ سوب اس اف۔ جہانی برادری ءِ مقبوضہ جموں و کشمیر اٹی کروک آ ظلم آ بیدار مروئی تمک و بھارت نا کشمیری تا نسل کشی نا کمک اٹ گیشتری ءِ اقلیت اٹ بدل کننگ نا ناپاک عزم بے سہب مریک۔ وزیراعلیٰ عثمان بزدار پارے کہ مودی سرکارنا ظلم انا نن چٹنگ نا خڑک آٹی ءِ و کشمیر نا آجوئی داسہ زیات مُر اف۔ اوپارے کہ پاکستان و کشمیر پنپروک آ بندھن اٹ تفوک ءُ و پاکستانی قوم پورو واک اتون کشمیری تتون سلوک ءِ۔ بھارت ءِ داپہہ مرے کہ توفک نا نوک آ کشمیری الس نا حق خودارادیت نا روا جہد ءِ توننگ مفک، بے گناہ شہید کشمیری تا خون رنگ اس اتیک و آجوئی کشمیر نا سہب ضرور پاش کیک۔
