لاہور۔ 05 فروری (اے پی پی) وزیر مملکت حوالکاری و شینکاری فرخ حبیب پارینے کہ بھارت نا کوشست ءِ کہ مسلم گیشتری ءِ اقلیت اٹ بدل کننگے، ہندوتوا سوچ تخوک آ جماعت ءِ وزیراعظم عمران خان بے نقاب کرے، پنچ اگست نا اسہ کنڈی بھارتی گام آن پد مودی سرکار موقع اس تس کہ کشمیر نا ویل دنیا ٹی تالان مرسا مون آ بس۔ داخیال آتا درشانی ءِ او ہفتہ نادے آ لاہور پریس کلب اٹی کشمیری تتون یکجہتی نا درشانی نا بابت سیمینار آن تران کرسا کرے۔ وزیر مملکت حوالکاری و شینکاری فرخ حبیب پارےکہ کشمیری لمہ غاتے سلام ءِ ہرافک تینا مارتے قربان کریر، پاکستان او آئی سی و ہرفورم آ کشمیری تا ویل ءِ تالان کیک، ہراملک کشمیری تیا ظلم آ توار بڑز کپک تاریخ اودے مودی تون تصور کیک۔ اوپارے کہ کشمیر نا ویل آ پاکستان نا تہہ و پیشن رہینگوک آ و سفارت خانہ غاتے سمت انا تعین کرسا مون آ ہِننگ نا گرج ءِ۔ اوپارے کہ پنچ اگست نا اسہ کنڈی بھارتی گام آن پد کشمیر نا ویل دنیا ٹی تالان مرسا مون آ بس، جہانی میڈیا مچ آ دنیا ٹی بھارتی اسہ کنڈی گام انا پیدواری ءِ کرے، کشمیر اٹی پیلٹ گن آتا کاریم اٹ اتنگا، بزرگ و زالبول آتیا ظلم انا زی آ ظلم کننگا، برہان وانی کون آ آجوئی نا مجاہد آتے شہید کننگا۔ کشمیر اٹی مروک آ ظلم اٹی اجتماعی قبرآتا انکشاف مس۔ کشمیری تا نسل کشی ءِ کننگا۔
