وزیراعظم ہرجہانی فورم آ کشمیری تیکن توار بڑز کرینے، شیریں مزاری

اسلام آباد۔ 05 فروری (اے پی پی) بنجائی وزیر انسانی حق ڈاکٹر شیریں مزاری پارینے کہ کشمیری ایلم تا جہد آجوئی ٹی اوفتاہرممکن مخ تفی ءِ کننگک۔ کشمیر میڈیا سروس نا رداٹ اواینو اڈتروک آ یکجہتی کشمیر نادے انا وخت آ تینا کلہو اٹی پارے کہ وزیراعظم عمران خان ہرجہانی فورم آ کشمیری ایلم و ایڑھ تیکن توار بڑز کرے و بھارتی حکومت نا فسطائی بیانیہ و غیرکانودی وڑاٹ کوزہ گیری ٹی جموں وکشمیر اٹی انسانی حق انا خلاف ورزی تا پڑدہ ءِ پاش کرے۔ اوپارے کہ حق خودارادیت کشمیری تا حق ءِ۔ ڈاکٹر شیریں مزاری پارے کہ جہانی برادری اقوام متحدہ نا سلامتی کونسل نا قرارداد آتا کمک اٹ کشمیری تا حق خودارادیت ءِ امنا کرینے۔ اوپارے کہ کشمیر جہانی کہول آ امنا مروک جھیڑہ اسے ہرانا ایسر اقوام متحدہ نا ایجنڈا غا بھلو وخت اسے آن پدتموک ءِ۔