وزیراعظم عمران خان تون اینو مروک آ اوڑدہی تیٹی کراچی نا فور ڈٹ، حب واٹر کینال و فیصل آباد واٹر ٹریٹمنٹ پلانٹ نا ڈٹ آتے گڈیکو دروشم اس تننگک، بنجائی وزیر حوالکاری و شینکاری چوہدری فواد حسین

اسلام آباد۔ 05 فروری (اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم نا دے انا بنا اینو چائنہ انرجی انجینئرنگ کارپوریشن نا چیئرمین سانگ ہیل سنگ تون آن لائن میٹنگ آن مریک، دامیٹنگ اٹ کراچی ءِ دیر انا فراوانی و کے فور ڈٹ آتیا عملدرآمد آ گپ وتران مریک، اوکان پد وزیراعظم انرجی چائنا نا سروک ڈینگ یانز ہانگ تون آن لائن میٹنگ کیک ہراٹی کراچی حب واٹر کینال و فیصل آباد اٹی واٹر ٹریٹمنٹ پلانٹ نا ڈٹ آتے گڈیکو دروشم اس تننگک۔ ہفتہ نادے آ تینااسہ ٹویٹ اسے ٹی اوپارے کہ وزیراعظم عمران خان چین نا صدر شی جن پنگ و فرسٹ لیڈی پنگ لی یوآن نا کنڈآن تروک آ دے انا اِرغ اٹی بشخ ہلنگ کن گریٹ ہال آ روانہ مریک۔ اینو شام آ وزیراعظم ازبکستان نا صدر، چین نا وزیراعظم و اقوام متحدہ نا سیکرٹری جنرل تون ہم اوڑدہی کیک۔ اسٹیٹ گیسٹ ہاؤس اٹی دُوارہ زرکارآتون میٹنگ مریک ہرافتے ٹی مائننگ و ہاؤسنگ نا بشخ آتا بھلا کمپنی تا مینجمنٹ پاکستان اٹ زرکاری آ وزیراعظم تون گپ وتران کیرہ۔