وزیراعظم تون اینو اقوام متحدہ نا سیکرٹری جنرل، ازبکستان نا صدر و چین نا وزیراعظم نا اوڑدہی مریک، وزیراعظم صدر شی نا کنڈآن تروک آ دے انا اِرغ اٹی ہم بشخ ہلیک، بنجائی وزیر حوالکاری چوہدری فواد حسین نا گپ وتران

بیجنگ۔ 05 فروری (اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم عمران خان اینو اقوام متحدہ نا سیکرٹری جنرل، ازبکستان نا صدر و چین نا وزیراعظم تون اوڑدہی کیک وخت اس کہ وزیراعظم اینو صدر شی جن پنگ نا کنڈآن سربراہان مملکت آتا شرف اٹی تروک آ دے انا اِرغ اٹی ہم بشخ ہلیک، اینو وزیراعظم تون کراچی و فیصل آباد اٹی دیر انا ڈٹ آتا بابت چینی زرکارآتا اوڑدہی مس، کراچی ٹی کے فور ڈٹ، حب کینال وخت اس کہ فیصل آباد اٹی واٹر ٹریٹمنٹ نا بابت ہیت پورو مسنے۔ ہفتہ نا دے آ وزیراعظم عمران خان نا دورہ چین نا بابت گپ وتران کرسا بنجائی وزیر حوالکاری پارے کہ وزیراعظم اینو چین نا صدر نا کنڈآن سربراہان مملکت آتا شرف اٹی تروک آ دے انا اِرغ اٹی بشخ ہلیک، وزیراعظم عمران خان نا اینو شام آ اقوام متحدہ نا سیکرٹری جنرل، ازبکستان نا صدر و چین نا وزیراعظم تون اوڑدہی مریک۔ اوپارے کہ تدوک آ دے چین نا سرمائی اولمپکس اٹی پاکستان نا ٹیم اولیکو وار بشخ ہلک۔ پاکستان نا ٹیم انا چین نا الس نا کنڈآن جم و جوش اٹ بخیر کننگا۔ اوپارے کہ پاک چین سنگتی ہڑتوم آ ملک آتا الس نا اسہ ایلوکن مہرومریبت نا درشانی آ مبنی ءِ چینی زرکارآک پاکستان اٹ زرکاری ٹی است خواہی نا درشانی ءِ کننگ ءُ۔ اوپارے کہ وزیراعظم عمران خان نا تھنک ٹینکس تون ہم اوڑدہی مس، وزیراعظم زور شاغا کہ دنیا اسہ پین سرد جنگ اسے سگنگ کپک، پاکستان چین و امریکہ نا نیام اٹ جھیڑہ ءِ ایسر کننگ اٹ تینا کڑد ءِ ادا کننگ کن تیار ءِ۔ اوپارے کہ وزیراعظم پگہ چین نا صدر شی جن پنگ تون ون آن ون اوڑدہی کیک،صدرشی اتون اینو دے انا اِرغ اٹی ہم اوڑدہی اس مریک۔ دااوڑدہی ٹی پاکستان نا آخبت نا تعلقداری تا بابت پین گپ وتران مریک۔ اینو وزیراعظم تون پاکستان نا اقتصادی تعلقداری تا بابت گپ وتران مریک۔