سویلی ایشیاٹی پائیدار امن کن کشمیر نا جھیڑہ نا ایسری المی ءِ، وزیرخارجہ

اسلام آباد۔ 05 فروری (اے پی پی) وزیرخارجہ شاہ محمود قریشی اقوام متحدہ نا سلامتی کونسل نا صدر و جہانی ادارہ نا سیکرٹری جنرل نا پن چٹھی ٹی اوفتے بھارت نا غیرکانودی کوزہ گیرجموں و کشمیر اٹی انسانی حق انا بگڑینگوک آ حالیت آتیان معلومدار کرینے۔ کشمیر میڈیا سروس نا رداٹ وزیرخارجہ تینا چٹھی ٹی پارے کہ بھارت نا کنڈآن 5 اگست 2019آ کوزہ گیر جموں و کشمیر اٹی کوزہ کروک آ اغٹ غیرکانودی و اسہ کنڈی گام گیج بشمول کوزہ گیر علاقہ ٹی آبادی نا کچ ءِ بدل کننگ نا کوشست اقوام متحدہ نا چار، سلامتی کونسل نا قرارداد و جہانی کانود تون اوار چارمیکو جینوا کنونشن نا اسُل خلاف ورزی ءِ۔ وزیرخارجہ نا چٹھی ٹی پاننگانے کہ پاکستان بھارت تون تینا غٹ ہمسایہ ملک آتون پرامن تعلقداری تا خواہندار ءِ ولے اوپارے کہ سویلی ایشیاٹی پائیدار امن و سوگوی کن کشمیر نا جھیڑہ نا انصاف اٹ ایسر المی ءِ۔