پاکستان حق خودارادیت نا انصاف اٹ جہد اٹی پورو عزم و سیوت اتون تینا کشمیری ایلم و ایڑتتون سلوک ءِ، وزیراعظم عمران خان

اسلام آباد۔ 05 فروری(اے پی پی) وزیراعظم عمران خان پارینے کہ پاکستان حق خودارادیت نا انصاف اٹ جہد اٹی پورو عزم و سیوت اتون تینا کشمیری ایلم و ایڑھ تتون سلوک ءِ، وخت بسنے کہ دنیا بھارت نا کوزہ گیری ٹی جموں و کشمیر اٹی انسانی حق انا بھلا لتاڑتا نوٹس ءِہلے۔ ہفتہ نادے آ یکجہتی کشمیر دے انا وخت آ تینا سیریز آف ٹویٹ اٹی وزیراعظم عمران خان پارے کہ کشمیر اٹی بے کنڈہلوک سلاہ درشانی نا بست وبند جہانی برادری نا زمہ ءِ۔ اقوام عالم آ المی ءِ کہ مقبوضہ جموں وکشمیر نا مخلوق نا حالیت و ہندوستانی ریاست نا ظالمانہ عسکری کوزہ غان آجوئی و نجات نا اوفتا ناقابل اعتراض و انکار خواہش ءِ گوجالپ۔ وزیراعظم پارے کہ وخت بسنے کہ دنیا بھارت نا کوزہ گیری ٹی مقبوضہ جموں و کشمیر اٹی انسانی حق انا بھلا لتاڑ، ہرافتے ٹی نسل کشی تون اوار انسانیت نا برخلاف ڈوہ و آبادی نا کچ اٹ بدلی تون اوار جنگی ڈوک اوار ءُ و جنیوا کنونشن نا اسُل خلاف ورزی ءِ، نا نوٹس ءِ ہلے۔ وزیراعظم پارے کہ حق خودارادیت نا انصاف اٹ جہد اٹی پاکستان پورو عزم و سیوت اتون تینا کشمیری ایڑھ و ایلم تتون سلوک ءِ۔ مودی نا جورو بیدادی آ مبنی فسطائی پالیسیک ہم مقبوضہ جموں و کشمیر اٹی اہل کشمیر نا مزاحمت نا روح ءِ لتاڑنگ اٹ بے سہب مسنو۔