بدبختی اٹ بھارت آ ہندن ءُ حکومت اس کوزہ ءِ ہرادے جہانی زمواری تا درک اف، نن کشمیری تا اخلاقی، سیاسی و سفارتی مخ تفی ءِ برجاتخنہ، بنجائی وزیر حوالکاری چوہدری فواد حسین

اسلام آباد۔ 05 فروری (اے پی پی) بنجائی وزیر حوالکاری و شینکاری چوہدری فواد حسین پارینے کہ بدبختی اٹ بھارت آ اسہ ہندن ءُ حکومت اس کوزہ ءِ ہرادے جہانی زمواری تا درک اف، نریندر مودی ہٹلر نا نظریہ غا کاریم کننگ ءِ، او بھارت اٹ ہندو توانظریہ ءِ مسلط کننگ خواہک،مودی حکومت نا غیرزموارانہ، غیرکانودی و جابرانہ پالیسی تا سوب آن اینو ڈیہہ چندی وارخواہی تیان محروم ءِ، کشمیر نا جھیڑہ نا انصاف اٹ و دیرپا ایسری ڈیہہ ٹی پائیدار امن و شونداری نا اسٹ انگا کسر ءِ۔ ہفتہ نادے آ یکجہتی کشمیر دے انا وخت آ تینا کلہو اٹی بنجائی وزیر حوالکاری پارے کہ کنٹرول لائن نا ہڑتوم آ کنڈ و مچ آ دنیا ٹی کشمیری الس اینو یکجہتی کشمیر دے ءِ اڈتننگ ءُ ، مچ آ پاکستانی قوم کشمیری الس تون سلوک ءِ۔ ننے پورو یخین ءِ کہ کشمیری الس بھارت نا جور و ناروا کوزہ نا برخلاف داجیرت مندانہ جہد اٹی سرسہب مریک۔ اوپارے کہ نن کشمیری الس نا اخلاقی، سیاسی و سفارتی مخ تفی ءِ برجاتخنہ۔ بنجائی وزیر حوالکاری پارے کہ نریندر مودی ہٹلر نا نظریہ غا کاریم کننگ ءِ، او بھارت اٹ ہندوتوا نظریہ ءِ مسلط کننگ خواہک، مودی حکومت نا غیرزموارانہ ، غیرکانودی و جابرانہ پالیسی تا سوب آن اینو ڈیہہ چندی وارخواہی تیان محروم ءِ، بدبختی اٹ بھارت اٹ اسہ ہندن ءُ حکومت اس جوڑ ءِ ہرادے جہانی زمواری تا درک اف، داانتہاپسند مخلوق ءُ و آرایس ایس نا فلسفہ نا بھاز خڑک ءُ۔ اوپارے کہ کشمیرنا جھیڑہ نا انصاف اٹ و دیرپا ایسری ڈیہہ ٹی پائیدار امن و شونداری نا اسٹ انگا کسر ءِ۔ اوپارے کہ ننا خواست ءِ کہ جہانی برادری مقبوضہ کشمیر اٹی بھارت نا کنڈآن انسانی حق انا بھلا خلاف ورزی تا نوٹس ءِ ہلے۔ چوہدری فواد حسین پارے کہ نن جموں و کشمیر آ تینا اصولی موقف آ سلوک اُن و حق خودارادیت نا دا انصاف اٹ جہد اٹی کشمیری الس تون سلوک اُن۔ اوپارے کہ کشمیری الس نا است خواہی و سلامتی کونسل نا تعلقدار قرارداد آتا رداٹ جموں وکشمیر نا جھیڑہ نا پرامن ایسری پاکستان نا گڈیکو مسخت ءِ۔