اسلام آباد۔ 05 فروری (اے پی پی) یکجہتی کشمیر دےانا وخت آ صدر مملکت ڈاکٹر عارف علوی نا کماشی ٹی فارن آفس آن ڈی چوک اسکان ریلی اس کشنگا ہراٹی چیئرمین سینیٹ صادق سنجرانی، اسپیکر قومی اسمبلی اسد قیصر، ڈپٹی اسپیکر قومی اسمبلی قاسم خان سوری ، پارلیمانی کشمیر کمیٹی نا چیئرمین شہریارخان آفریدی، وزیر مذہبی امور پیر نور الحق قادری، وزیر نیشنل فوڈ سیکورٹی سید فخرامام، وزیر مملکت موسمیاتی بدلی زرتاج گل، پارلیمنٹ نا باسک آک، حریت راہشون تتون اوار چندی زند انا بشخ آتیان تعلق تخوک آ بندغ آک بشخ ہلکر۔ داوخت آ ریلی ٹی بشخ ہلوک آتیان تران کرسا صدر مملکت ڈاکٹر عارف علوی پارے کہ پاکستان کشمیری تے ہرسال 5 فروری آ یکجہتی کشمیر دے اڈترسا جہانی برادری و اقوام متحدہ غان اونا قراردادآتا رداٹ کشمیر نا جھیڑہ نا ایسری آ زور شاغک۔ پاکستان کشمیری تا جہد آجوئی نا سیاسی، سفارتی و اخلاقی مخ تفی ءِ برجاتخک۔
