وزیراعظم عمران خان کشمیری تا سفیر مننگ نا حق ءِ ادا کننگ ءِ، گورنر سندھ

کراچی۔ 05 فروری (اے پی پی) گورنر سندھ عمران اسماعیل پارینے کہ وزیراعظم عمران خان کشمیری تا سفیر مننگ نا حق ءِ ادا کننگ ءِ، پاکستان ہرفورم آ کشمیری تا حق انا ہیت ءِ کرینے، ای سلام پیش کیوہ غٹ شہید آتے و اوفتا وارث آتے ہرا کشمیرنا آجوئی نا جہد اٹی ہروڑنا قربانی تسنو۔ داخیال آتا درشانی ءِ او یکجہتی کشمیر نادے انا وخت آ جاری کلہو اٹی کرینے۔ گورنر سندھ عمران اسماعیل مستی پارے کہ ہندوستان ریاستی دہشت گردی، بے گناہ کشمیری تا عدالت آن ایڑترخون، آجوئی سلاہ درشانی آ پابندی تیٹی اوار ءِ۔ اوپارے کہ اقوام متحدہ ، سلامتی کونسل نا قرارداد و کشمیری الس نا است خواہی تا رداٹ جھیڑہ نا پرامن ایسری کن کاریم کے، دااسٹ انگا کسر ءِ ہرا سویلی ایشیاٹی پائیدار امن و سوگوی ءِ پک کننگ کیک۔ گورنر سندھ پارے کہ اینونادے نن کشمیری ایلم وایڑھ نا پورو مخ تفی و اوفتے تون یکجہتی نا عزم انا درشانی ءِ کینہ، پاکستان کشمیری الس تون ہم کوپہ سلک۔ عمران اسماعیل پارے کہ پاکستان حق خودارادیت نا دوئی کننگ اسکان کشمیری ایلم و ایڑھ تتون ہرممکن کمکاری ءِ برجاتخک۔