راولپنڈی۔ 05 فروری (اے پی پی) پاک فوج انا سروک جنرل قمر جاوید باجوہ کشمیری الس ءِ اوفتا عزم و نرزور جہد آ خراج تحسین پیش کرینے۔ کشمیرمیڈیا سروس نا رداٹ انٹرسروسز پبلک ریلیشنز(آئی ایس پی آر) اسہ ٹویٹ اسے ٹی نوشتہ کرے کہ آرمی چیف یکجہتی کشمیر دے انا وخت ا تینا کلہو اٹی پارینے کہ بھارت نا غیرکانودی کوزہ گیری ٹی جموں و کشمیر نا مخلوق بھارتی گھیڑ و انسانی حق انا بھلا خلاف ورزی تا نرزوری اٹ مقابلہ ءِ کننگ ءُ۔ آرمی چیف پارے کہ دا انسانی المیہ ءِ چٹفنگ و کشمیر نا جھیڑہ ءِ جموں وکشمیر نا مخلوق نا است خواہی و اقوام متحدہ نا قراردادآتا رداٹ ایسر کننگ نا وخت بسنے۔
