اسلام آباد۔ 04 فروری (اے پی پی) وزیر مملکت پارلیمانی امور علی محمد خان پارینے کہ کشمیری الس ءِ ہرحال اٹ آجوئی ملک، کشمیر اٹی آر ایس ایس نا بدماش آک فوجی وردی ٹی ظلم کننگ ءُ، کشمیر اٹ عصمت دری ءِ جنگی سلہہ غاتا وڑاٹ کاریم اٹ اتنگ انگءِ، آبادی نا کچ ءِ بدل کننگ نا کوشست کننگ انگ ءِ۔ جمعہ نادے آ بڑزکو ایوان نا دیوان اٹی یوم یکجہتی کشمیر نا وخت آ غیرکانودی وڑاٹ بھارت نا کوزہ گیری ٹی جموں و کشمیر نا ساڑی آ حالیت آتیا شرہ کننگ نا تحریک آ شرہ ءِ چٹفسا علی محمد خان پارے کہ بھارت نا غیرکانودی کوزہ گیری ٹی کشمیر نا الس ءِ باورکرفیوہ کہ اوفتے آجوئی ہرحال اٹ ملک، کشمیری تا جہد آجوئی مرغن ءُ تاریخ اس تخک، کشمیری تا جہد آجوئی 1929ء آن برجاءِ۔ اوپارے کہ تحریک آزادی کشمیر نا تحریک پاکستان اٹی اہم ءُ کڑد اسے، کشمیر اٹی آرایس ایس نا بدماش آک فوجی وردی ٹی ظلم کننگ ءُ، کشمیر اٹی عصمت دری ءِ جنگی سلہہ غاتا وڑاٹ کاریم اٹ اتنگ انگ ءِ، آبادی نا کچ ءِ بدل کننگ نا کوشست کننگ انگ ءِ۔ اوپارے کہ 5 اگست 2019 ء آ بھارت 370 و 37 اے ءِ آئین آن کشا۔ اوپارے کہ کشمیر نا ویل برصغیر نا بے پورو ایجنڈا ءِ۔ اوپارے کہ کشمیر اٹی بھلو کچ اسے آ کشت وخون کننگ انگ ءِ ، دا انسانیت و انسانی حق انا باندات اسے، کشمیری تے رائے شماری نا کمک اٹ خودارادیت بایدے ملے۔ اوپارے کہ وزیراعظم عمران خان کشمیر نا ویل ءِ جہانی کہول آ ہرفے، او آئی سی نا بروک آ دیوان اٹی دا باندات ءِ ہرفنگک۔
