اسلام آباد۔ 04 فروری (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ جہانی ادارہ غاک کشمیر نا ویل انا بابت قرارداد و قول آتیا عملدرآمد کرفنگ اٹ بے سہب مسنو، اگست 2019 ء آن پد اقوام متحدہ نا سیکرٹری جنرل و صدر نا کشمیر نا ویل انا بابت بیان حوصلہ افزاءِ ۔ جمعہ نادے آ بڑزکو ایوان نا دیوان اٹی گپ وتران کرسا وزیراعظم نا سلاہکار ڈاکٹر بابر اعوان پارے کہ جہانی ادارہ غاک کشمیر نا ویل انا بابت قرارداد و قول آتیا عملدرآمد کرفنگ اٹ بے سہب مسنو، اگست 2019ء آن پد اقوام متحدہ نا سیکرٹری جنرل و صدر نا کشمیر نا ویل انا بابت بیانک حوصلہ افزا ءُ۔ اوپارے کہ مسلمان ملک آتیا پوسکن آ سلہہ غاتے آزموندہ کننگک، دروغ وڈٹ بندی نا رداٹ مسلمان ملک آتے شست کننگا، اللہ پاکستان ءِ غٹ نعمت آتیان شپ کرینے، پاکستان ایٹمی ٹیکنالوجی تخوک آ ملک ءِ۔ اوپارے کہ کشمیر نا بابت دیوان نا اڈتننگ آ ایوان نا ستاءِ کیوہ، پاکستان آ بھارت جنگ مسلط کرے، بھارت بالاکوٹ جلہو مسلط کرے، پاکستان بھارت تون مون آ ہِننگ خواہک، بھارت نا غیرکانودی کوزہ گیری ٹی کشمیر اٹی رائے شماری بایدے مرے، اگہ پارلیمانی کمیٹی اس ٹہیفسا کشمیر نا ویل انا بابت سلاہ تننگک، اونا ستاءِ کینہ کمشیر مریک پاکستان۔
