اسلام آباد۔ 04 فروری (اے پی پی) وزیراعظم نا سلاہکار واپار عبدالرزاق داؤد پارینے کہ جنوری نا تُو اٹی تدوک آ مالی سال جنوری نا مقابلہ ٹی برآمد آتیٹی 18.7 درسد نا ودکی مس ، اینخو مالی سال جنوری ٹی 2 ارب 54 کروڑ60 لکھ ڈالر نا برآمد ات مس۔ جمعہ نادے آ تینا بیان اٹی اوپارے کہ جنوری نا تُو اٹی تدوک آ مالی سال جنوری نا مقابلہ ٹی برآمد آتیٹی 18.7 درسد نا ودکی مس۔ اینخو مالی سال جنوری ٹی 2 ارب 54 کروڑ 60 لکھ ڈالر نا برآمدات مس۔ اوپارے کہ تدوک آ مالی سال جنوری ٹی 2 ارب 14 کروڑ 50 لکھ ڈالر نا برآمدات ئسر۔ اینخو مالی سال انا اولیکو ہفت تُو اٹی برآمد آتیٹی 24 درسد نا ودکی ریکارڈ کننگا۔ سلاہکار واپار پارے کہ اینخو مالی سال داتم اسکان 17 ارب 67 کروڑ 10 لکھ ڈالرنا برآمدات مس۔ تدوک آ مالی سال انا ہندا وخت اٹی برآمدات 14 ارب 25 کروڑ 50 لکھ ڈالر ئسر۔ ماہانہ بنداو تیا درآمد آتیٹی کمتی نا کچ ہم نظر بننگ ءِ۔ اوپارے کہ دسمبر 2021 نا مقابلہ ٹی جنوری 2022 اٹی درآمد آتیٹی 22 درسد نا کمتی مس۔ دسمبر اٹی درآمد 7 ارب 58 کروڑ ڈالر ئس۔ جنوری 2022اٹی 5 ارب 90 کروڑ 80 لکھ ڈالر نا درآمد مس۔ جنوری 2021اٹی 4 ارب 80 کروڑ 30 لکھ ڈالر نا درآمدات ئسر۔
