وزیراعظم عمران خان نا دورہ چین باقاعدہ بناکرینے، او18 سیکٹر آتیٹی ویڈیو کانفرنس کرے، سرمائی اولمپکس نا دود آتیٹی بشخ ہلیک، بنجائی وزیر حوالکاری و شینکاری چوہدری فواد حسین

بیجنگ۔ 04 فروری (اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم عمران خان نا دورہ چین باقاعدہ بناکرینے، وزیراعظم کاروباری اوڑدہی تیان بیدس سرمائی اولمپکس نا بنائی دود آتیٹی ہم بشخ ہلیک۔ داہیت ءِ او جمعہ نادے آ داڑے وزیراعظم نا دورہ نا بابت گپ وتران کرسا پارے۔ چوہدری فواد حسین پارے کہ وزیراعظم عمران خان نا دورہ چین باقاعدہ بناکرینے، اینو وزیراعظم 18 آن زیات سیکٹرآتیٹی ویڈیو کانفرنس کرے۔ داکانفرنس آتیان پد وزیراعظم عمران خان چین نا غٹ آن بھلا ٹی وی چینل سی جی ٹی این ءِ انٹرویو ہم ایتک۔ چوہدری فواد حسین پارے کہ کاروباری اوڑدہی تیان بیدس وزیراعظم عمران خان تینا ڈل اتون اوار سرمائی اولمپکس نا بنائی دود آتیٹی ہم بشخ ہلیک۔ اوپارے کہ وزیراعظم پاکستان نا ہمو اولیکو حکمران ءِ ہرادے دا اولمپکس اٹی بشخ ہلنگ نا سلہ خلنگانے، 20 آن زیات سربراہان مملکت دا دود اٹی اینو بشخ ہلیرہ۔