بیجنگ۔3فروری (اے پی پی): مزن وزیر عمران خان چینی سروک آنی ھاسیں دعوت ءِ پد ءَ مزن تکی ڈل ءِ ھمبراھی ءَ 4 روچی سرکاری تر ءُ تاب ءَ پنچ شمبے ءِ روچ ءَ بیجنگ ءَ پج ات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ چین ءِ سفیر دو جائی ءُ چین ءَ پاکستان ءِ سفیر معین الحق ءَ مزن وزیر ءَ را ائیر پورٹ ءَ وش اتک کت۔ مزن وزیر بیجنگ ءَ سردی ءِ لیب ءُ گوازی اولمپکس 2022 ءِ بنگیجی مراگش ءَ بھر زوری ءَ ابید صدر رشی جن پنگ ءُ مزن وزیر لی کی چیانگ ءِ گوما دو نیمگ کار آنی سر ءَ گند ءُ نند کت۔ اے گند ءُ نند آنی تہ ءَ دوئی براتیں ملک آنی نیام ءَ ھاسیں رنگ ءَ سی پیک فریم ورک ءِ چیر دستی ءَ تجارتی ءُ اقتصادی کمک آناں دیمروئی دیگ ءِ ھوالگ ءَ کار آنی سر ءَ ھیال ریچی ءِ گوما ارزشتی ایں دمگی ءُ میاں اوستمانی کار آنی سر ءَ باست ءُ واست کنگ بیت۔ اے موہ ءِ سر ءَ مزن وزیر چین ءِ نامداریں کاروباری سروک، سروکیں تھنک ٹینکس، شاہوکار ءُ میڈیا ءِ سروک آنی گوما آن لائن گند ءُ نند ءَ ابید ایندگر ارزشتی ایں دو نیمگی کار آنی سر ءَ گند ءُ نند ھم کنگ بیت۔
