اسلام آباد۔3فروری (اے پی پی):چین ءِ واستہ پاکستان ءِ پیسریگیں سفیر نغمانہ ہاشمی ءَ گوشت کہ پاکستان ءُ چین ءِ نیام ءَ مداس جھلانکیں ءُ مھکمیں یکوئی برجا انت ءُ مزن وزیر عمران خان ءِ چین ءِ تر ءُ تاب دوئیں ملک آںی نیام ءَ دو نیمگی یکوئی آناں گیش برجم جوڑ کنت۔ آئی ءَ پنچ شمبے ءِ روچ ءَ پاکستان ٹیلی ویژن ءِ گوما تران کنان ءَ امیت سہرا کت کہ پاکستان ءُ چین یک ءِ دومی راستیں دوست انت ءُ دوئیں ملک آنی نیام ءَ استیں یکوئی آیوکیں وھد ءَ گیش مھکم بنت۔ آئیءَ گوشت کہ پاکستان ءِ گوما چینی حکومت ءِ کمک لیب ءُ گوازی آں ھوار ھمک شوبگ ءَ گیش بنت، پاکستان ءُ چین ءِ یکوئی انوں ھم یک جتائیں بستار ءِ دار انت۔ ءُ گوزوکیں میان اوستمانی جاور آں ابید دوئیں ملک آنی نیام ءَ سفارتی یکوئی آنی برجائی ءِ 70 سال ءَ چہ گیش وھد ءُ پاس ءَ سٹریٹجک دوستی کوھنڈگ آنی رد ءَ مھکم بوتگ انت ءُ دوئیں ملک سکیں ساھت ءَ یک ءِ دومیگ ءِ گوما ھمگام ءَ اوشتاتگ انت۔ آئی ء۔ گوشت کہ تر ءُ تاب ءِ بنیاتی مول ءُ مراد چین ءِ گوما یکوئی ءِ درشان کنگی انت۔ آئی ءَ گوشت کہ چین ءَ کورونا وائرس ءِ ھوپ ءَ نازرکیں جاور ھال آں ابید پاکستان ءِ پازیٹیو رند پد ءُ پڑ ءَ ایمنی ءَ را دیمروئی دیگ ءِ کوشست آناں ساڑات۔ آئی ءَ گوشت کہ چین ءَ کشمیر ءِ جیڈھ ءَ ھوار ارزشتی ایں دمگی جیڈھ آناں مدام پاکستان ءِ کمک کتگ۔
