وزیراعظم عمران خان نا دورہ چین بھاز اہمیت تخک، اہم امور آ شرہ مریک، اسدعمر نا ویڈیو کلہو اٹی گپ وتران

اسلام آباد۔ 03 فروری (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسدعمر پارینے کہ وزیراعظم عمران خان نا دورہ چین بھاز اہمیت تخک ہرا پاک چین سنگتی نا بے مٹ سنگتی نا شاہدی ءِ، ننا مشن سی پیک نا کمک اٹ زرکاری ءِ پین مون آ دننگ و خاص وڑاٹ چینی زرکارآتے پبی کمک فراوان کننگ ءِ۔ تینا دورہ چین نا بابت تینا ویڈیو کلہو اٹی بنجائی وزیر اسد عمر پارے کہ چین نا پاکستان اٹ زرکاری کن جامع دستاویز تیار کننگا، چینی زرکارآتے پاکستان اٹ زرکاری کن قائل کیک، اسدعمر پارے کہ وزیراعظم نا دورہ چین اہمیت تخک، چین اٹی اہم امور آ شرہ مریک، پاکستان چین ءِ پین زرکاری کن پاہک۔ اوپارے کہ پاکستان اٹ زرکاری نا وارخواہی تا بابت تیار کروک آ پچ بک اٹ سیکٹر وائز سرجم آتے اوار کننگانے، کتاب اٹ پاکستان اٹ زرکاری نا حامل بشخ و حکومت نا کنڈآن دا بشخ آتیٹی فراوان کروک آ سرجم آک ساڑی ءُ۔ اوپارے کہ پاکستانی ڈل انا باسک آک دورہ چین نا وخت آ دا کتاب ءِ چینی زرکارو کاروباری شخصیت آتے پیش کیرہ۔ داکتاب نا مسخت ملک اٹی زرکاری نا وارخواہی تے مون آ دننگ ءِ۔ اوپارے کہ دا دورہ ءِ بھاز اہمیت تننگ انگ ءِ ، پاک چین نا بے مٹ سنگتی ءِ خاص اہمیت تننگ انگ ءِ ۔ اوپارے کہ وزیراعظم عمران خان نا کماشی ٹی ڈل چین نا صدر شی جن پنگ و وزیراعظم لی کی چیانگ ہرا پاکستان اٹ پین زرکاری اتنگ کن پارہ۔ اوپارے کہ ہڑتوم آ ملک آتا نیام اٹ ہڑتوم آ کنڈآتااقتصادی تعلقداری ءِ پین مون آ دینہ۔ اوپارے کہ وزارت ڈٹ بندی و سی پیک اتھارٹی اسہ بھاز جوانءُ بک اس تیار کرینے ہراٹی پاکستان نا غٹ بشخ آتا پیدواری ءِ کننگانے کہ ہراہرابشخ آتیٹی چین نا زرکارآک زرکاری کننگ کیرہ و اوفتے نن انت انت آسودہی تننگ اُن۔ اوپارے کہ دا بک ءِ بھاز خواری اٹ تیار کننگانے و ای وزیراعظم نا خصوصی کمکار سی پیک افیئرز خالد منصور ءِ خراج تحسین پیش کیوہ کہ دا بک انا تیاری ٹی اوبھاز خواری کرینے و دابک اٹ ہمو غٹ ہد ف آتے اوار کننگانے ہراٹی درملکی زرکاری ءِ اتنگ مرے۔